മിഴിരണ്ടിലും..2 [Jack Sparrow] 211

“എന്താടാ പുതിയ വല്ല ഉടായിപ്പാണോ?” പെട്ടന്ന് ഫോൺ പിൻവലിച്ചുകൊണ്ടൊരു കള്ളചിരിയോടെ അമ്മ ചോദിച്ചു..

“ആ ഒന്ന് രണ്ടെണ്ണം ആലോചനയിലുണ്ട്..!”
അമ്മയുടെ കൈയ്യിൽ നിന്നും ഫോൺ തട്ടിവാങ്ങികൊണ്ട് ഒരു ചിരിയോടെ ഞാൻ പറഞ്ഞു…
എന്നിട്ടാ മുഖത്തേക്കൊന്ന് പാളിനോക്കി…

” പോടാ കള്ള തെമ്മാടി” എന്നും പറഞ്ഞ് കയ്യിലൊരടിയും തന്ന് അമ്മ ഹാളിലേക്ക് പോയി…

അമ്മ പോയതും ഞാൻ ഫോണിലേക്ക് നോക്കി, നികേഷാണ്..
ഫോണെടുത്ത് ചെവിട്ടിലേക്ക് വച്ചതും ” എവിടെ പോയി കിടക്കുവാരുന്നട നാറീ” യെന്നും ചോയിച്ചൊറ്റയലർച്ചയായിരുന്നവൻ…

” അതിനെന്തിനാടാ നീ കെടന്ന് കാറുന്നേ? ഞാൻ ദേയിപ്പോ എഴുന്നേറ്റൊള്ളൂ”

“കോപ്പ്, അപ്പോ നിന്നോടിന്നലെ പറഞ്ഞതൊക്കെ നീ മറന്നോ?”

ഒരൽപ്പം ദേഷ്യത്തോടെ അവൻ ചോദിച്ചു..

“എന്ത്?”

ഒട്ടും സംശയമില്ലാതെ ഞാൻ തിരിച്ച് ചോദിച്ചപ്പോൾ കുറച്ച് പച്ചയായ മലയാളപദങ്ങളാണ് അവനാദ്യം പറഞ്ഞത്. എന്നിട്ട് പറഞ്ഞു..

” എടാ ഇന്ന് കാർമലിൽ പോണ കാര്യമാ ഞാൻ പറഞ്ഞേ..!”

രാവിലെ തന്നെയവന്റെ വായിലിരിക്കുന്നത് കേട്ടതുകൊണ്ടാണോ എന്നറിയില്ല, അവനാ പറഞ്ഞതിനെനിക്ക് മറുപടിയുണ്ടായില്ല..!

“ഹലോ.. എടാ നീ അവിടെയുണ്ടോ?”

മറുപടിയില്ലാണ്ടയപ്പോളവൻ ചോദിച്ചു..

“ആ.. എടാ അത് ഞാൻ മറന്നതൊന്നുവല്ല, നമ്മളിന്നലെ തന്നെ ഇന്ന് പോവാന്ന് തീരുമാനിച്ചതല്ലേ..! അതിനിപ്പെന്താ പ്രശ്നം?”