മിഴിരണ്ടിലും..2 [Jack Sparrow] 211

അവിടെപോയി അവള് പറഞ്ഞപ്രകാരം കാര്യമ്പറഞ്ഞപ്പോൾ ഒരു ബാഗ് കാട്ടിതന്ന് തുറന്ന്നോക്കി അതുതന്നെയാണോയെന്ന് നോക്കാൻ പറഞ്ഞു…കണ്ടിട്ട് അതുതന്നെയായിരിക്കും എന്ന് ഞങ്ങളുറപ്പിച്ചു…അല്ലാതെന്ത് പറയാൻ..!
അധികം വൈകാതെ തന്നെ ഞങ്ങൾ സ്കൂളിലേക്ക് തിരിച്ചെത്തി.. കോസ്റ്റ്യുമടങ്ങിയ ബാഗുമായി ഞങ്ങൾ നേരെത്തെ ജ്യോതിയെ കണ്ട സ്ഥലത്തേക്ക് നടന്നു..അങ്ങനെ ആ കോറിഡോറിലൂടെ നടക്കുമ്പോഴാണ് അടുത്തുള്ള ക്ലാസ്സിൽ നിന്നും അരുണിനെയാരോ വിളിച്ചത്.ഞങ്ങളങ്ങോട്ട് നോക്കിയതും എനിക്കാളെ പിടികിട്ടിയില്ല.. പക്ഷേ അവനാകൊച്ചിനെ നോക്കിചിരിച്ചതും അവരുതമ്മിൽ പരിചയമുണ്ട് എന്ന് മനസിലായി..അവനെന്നെയും വിളിച്ചുകൊണ്ട് ആ ക്ലാസിലേക്ക് കയറി…

“നീയുമിവിടെ പ്രോഗ്രാമിനുണ്ടായിരുന്നോ?

അവനാ പെൺകൊച്ചിനോട് ചോദിച്ചു…

“ആഹാ അതുകൊള്ളാം,എൻ്റെ സ്കൂളിലൊരു പ്രോഗ്രാം നടക്കുമ്പോ ഞാൻ ഇവിടെയെല്ലാതെ വേറെവിടെ പോവാനാ..”

“ഓഹ് നീയിവിടെയാണല്ലെ പടിക്കുന്നേ?ഞാനതോർത്തില്ല..!”

“അത് നീയങ്ങനെ ചോദിച്ചപ്പോഴേ തോന്നി..”

അവളവനെ നോക്കി ചിരിച്ചുകൊണ്ട് പറഞ്ഞു..

“ആഹ് എടി, ഇതെൻ്റെ ഫ്രണ്ട് സിദ്ധാർത്ഥ്..,
എടാ, ഇതെൻ്റെ കസിൻ വിദ്യ..”

അവൻ ഞങ്ങളെ പരസ്പരം പരിചയപെടുത്തി…
ഞാനാ കൊച്ചിനെ നോക്കി ചിരിച്ചു,അവള് തിരിച്ചും..

“നിങ്ങളെന്താടാ ബാഗൊക്കെയായിട്ട്..?”

അവളെൻ്റെ കയ്യിലിരിക്കുന്ന ബാഗ് നോക്കിക്കൊണ്ട് ചോദിച്ചു..
ഞങ്ങൾ ജ്യോതിയുടെ പ്രോഗ്രാമിനെപറ്റിയും,പിന്നെ ബാക്കി കാര്യങ്ങളെല്ലാം അവളോട് പറഞ്ഞു…

എല്ലാം കേട്ടുകഴിഞ്ഞപ്പോൾ അവള് പറഞ്ഞു..