മാഡ് മാഡം

Author :vishnu

ഇന്നും ലേറ്റ് ആയി ഇനി ആ പൂതനയുടെ വായിന്ന് പൂരപ്പാട്ട്  കേൾക്കണമല്ലോ ദൈവമേ എന്നും വിചാരിച്ച് റൂമും ലോക്കാക്കി ഓടുമ്പോൾ ഇന്ന് പുതിയ വെറൈറ്റി തെറികൾ നിനക്ക് പഠിക്കമല്ലോ എന്ന് അവൻ പറഞ്ഞു. വേറെ ആരും അല്ല എൻ്റെ മനസ്സ് തന്നെ…എന്താടാ അങ്ങനെ ഒരു ടോകിങ്, വിളച്ചിൽ എടുക്കരുത് കേട്ടോ എന്ന് പറഞ്ഞു അവനെ ഞാൻ മുളയിലേ നുള്ളി സൈഡ് ആക്കി, ഇല്ലെങ്കിൽ ഉള്ള കോൺഫിഡൻസ് കളഞ്ഞു എന്നെ സൈഡ് ആക്കും ബ്ലഡ്ഡി ഫൂൾ…..

ഓടികിതച്ച് ഫ്ലാറ്റിൻ്റെ പാർക്കിങ്ങിൽ നിന്നും ബൈക്ക് എടുത്തു ഒറ്റപോക്ക് ആരുന്നു..നശിച്ച ബ്ലോക്ക് കാരണം എന്തിനോ വേണ്ടി തിളച്ച സാമ്പാർ പോലെ ബ്ലോക്കിൽ കുറെ നിന്നു…അല്ലെങ്കിലും നിൽക്കാതെ ഓടിക്കൊണ്ടിരിക്കുന്ന ഈ കൊച്ചി നഗരത്തിലെ ബ്ലോക്കിന് കുറിച്ച് ചിന്തിക്കാതെ കിടന്നുറങ്ങിയ എൻ്റെ ഭാഗത്തും തെറ്റ് ഉണ്ട്…നിൻ്റെ ഭാഗത്ത് മാത്രമേ തെറ്റ് ഉള്ളൂ സൈഡ് ആക്കിയവൻ വീണ്ടും ഉണർന്നു….

ലാസ്റ്റ് 10.20 ന് ഓഫീസില് എത്തി നൈസ് ആയിട്ട് ക്യാബിനിൽ കേറാൻ പോയപ്പോ റിസെപ്ഷന്നിലെ അഞ്ജലി വന്നു പറഞ്ഞു.,

“വരുൺ സാർ.. സാർ വരുമ്പോൾ കോൺഫറൻസ് ഹാളിൽ ചെല്ലാൻ അജയ് സാർ പറഞ്ഞിട്ടുണ്ട്”.

ഓ ആയിക്കോട്ടെ എന്നും പറഞ്ഞു ഞാൻ പതിയെ കോൺഫറൻസ് ഹാളിലേക്കു നടന്നു ..