മാഡ് മാഡം 3

Author :vishnu

 

View post on imgur.com

 

 

പോപ് കോണും വാങ്ങിച്ചു തിരിഞ്ഞപ്പോഴാണ്....പുറകിൽ നിന്നവളെ കണ്ടത്...

ദൈവമേ ശ്രേയ……

നേരെ നോക്കിയത് എന്നെ തന്നെ തുറിച്ചു നോക്കുന്ന അവളുടെ മുഖത്തേക്ക് ആരുന്നു…..കൂടെ വേറേ ഒരുത്തിയും ഉണ്ടാരുന്നു…

പ്രായം വെച്ച് നോക്കുമ്പോ ഫ്രണ്ട് ആരിക്കും….ഇനി അനിയത്തി ആരിക്കുമോ ??….

കണ്ടിട്ട് ഒരു ഹിന്ദിക്കാരി ലുക്ക് ഉണ്ട്…..
അല്ല ഹിന്ദിക്കാരി എന്തിനാ മലയാളം പടം കാണാൻ വന്നത്……

അല്ലടാ അത് അവളുടെ അമ്മൂമ്മ ആരിക്കും…ഇവൾ ഏതാണെന്ന് കണ്ടു പിടിക്കുന്നത് ആണല്ലോ ഇപ്പൊ ഇവിടുത്തെ വല്യ പ്രശ്നം….

ഇങ്ങനെ പ്രകാശ വേഗത്തിലും സ്പീഡിൽ ഓരോ ഉടായിപ്പ് ചിന്തകളുടെ കൊടുമുടി കേറുന്ന എൻ്റെ മനസ്സ് എന്ന കടിഞ്ഞാണില്ലാത്ത കുതിരയെ പിടിച് നിർത്താനുള്ള തിരക്കിലായിരുന്നു ഞാൻ……..

ഓടും കുതിര ചാടും കുതിര വെള്ളം കണ്ടാൽ നിൽക്കും കുതിര എന്നാണല്ലോ………
അല്ല ഈ പഴം ചൊല്ലിന് ഇപ്പൊ ഇവിടെ എന്താണ് പ്രസക്തി…..

ഒരു പ്രസക്തിയും ഇല്ല പക്ഷെ പഴം ചൊല്ലിൽ പതിരില്ലെന്നാണല്ലോ…….

ഇവനെ ഇനിയും ചിന്തിക്കാൻ അനുവദിച്ചുകൂടാ…..
കടിഞ്ഞാണില്ലാത്ത കുതിരയുടെ പുറകെ ഇനി പോയാൽ എന്നെ കൊണ്ട് രാമായണത്തിൻ്റെ വരെ സെക്കൻഡ് പാർട്ട് എഴുതിപ്പിക്കും ഈ മനസ്സ് മലരൻ……..

“ആഹ്…… തലവേദനക്കുള്ള മെഡിസിൻ ഇവിടെ
ആരിക്കും അല്ലേ കിട്ടുന്നത്….”