ഭ്രാന്ത് പാർട്ട്‌ 2 {ക്‌ളൈമാക്‌സ്} {അപ്പൂസ്} 2002

“കാലേ പ്പളും വേദന ണ്ടാ…???”

“ഇല്ലാലോ മാറി… ദേ നോക്കിയേ….”

ഒരന്യപുരുഷൻ ആണെന്ന ചിന്ത ഇല്ലാതെ അവൾ ചുരിദാർ അല്പം പൊക്കിപിടിച്ചു അതിന്റെ ബോട്ടം കാൽ മുട്ടിനു മുകളിലേക്ക് ഉയർത്തി അന്നുണ്ടായ മുറിവിന്റെ പാട് കാണിച്ചു കൊടുത്തു…

“ന്നാ… ഞാമ്പോട്ടെ???”

അല്പം കഴിഞ്ഞവൾ അയാളോട് ചോദിച്ചു…

അയാൾ ചിരിച്ചു നിന്നെയൊള്ളു… അവൾ പതുകെ നടന്നു തുടങ്ങി… അല്പം കഴിഞ്ഞു ഉളുക്കുന്ന പോലെ കാട്ടി നിന്ന ശേഷം അയാൾക്ക് നേരെ നോക്കി വേദന കാണിച്ചുകൊണ്ട് കൈ നീട്ടി…

ഇന്നുമയാൾ അവളെയും ചുമന്നു കൊണ്ടുപോയി… പുഴ കടക്കും വരെ…. ഈ വട്ടം പക്ഷേ അയാളുടെ വേഗത അവളെ ഭയപ്പെടുത്തിയില്ല….

നരച്ച ശരീരത്തിൽ അവശേഷിച്ച തിളക്കത്തിലേക്ക്….. അയാളുടെ കണ്ണുകളിലേക്ക് നോക്കികൊണ്ട് അവൾ അയാളുടെ കൈകളിൽ കിടന്നു….

പിന്നെ ഏതാനും ദിവസങ്ങൾ കഴിഞ്ഞാണ് അവൾ ആ ആനപ്പറമ്പിലേക്ക് കയറിയത്… സ്കൂൾ ഇല്ലാത്ത ഒരു ശനിയാഴ്ച അമ്മ പുറത്തെങ്ങോ പോയ തക്കത്തിന് അവൾ അങ്ങോട്ട് ഓടുകയായിരുന്നു…

അന്നു അയാൾ അവൾക്കായി കരുതിയത് ഒരു പേരക്കയായിരുന്നു…

അവൾ കടിച്ചു പകുത്ത അതിലൊരു പങ്ക് അയാൾക്ക് നേരെ അവൾ നീട്ടി… അയാളത് നിരസിച്ചപ്പോൾ അവൾ മടികൂടാതെ അയാളുടെ വായിലേക്ക് വച്ചു നൽകി…

അന്നും…. അന്ന് മാത്രമല്ല എല്ലാ ദിവസവും തിരിച്ചു പോകുമ്പോൾ മാത്രമൊരു പ്രത്യേക വേദന അവളുടെ കാലുകൾക്ക് അനുഭവപ്പെട്ടുകൊണ്ടിരുന്നു…. അവളുടെ ഭാരം അയാളുടെ കൈകൾക്ക് ഒരു ശീലവും ആയികൊണ്ടിരുന്നു….

“എന്തോന്നാ വിളിക്കണ്ടേ ഞാൻ???”

എന്നോ ഒരിക്കൽ അയാളുടെ കൈകളിൽ കിടന്നു ആ നരച്ച താടിരോമങ്ങൾക്ക് ഇടയിൽ കൈ വിരൽ കടത്താൻ നോക്കികൊണ്ട് കുസൃതി നിറഞ്ഞ കണ്ണുകളോടെ അവൾ ചോദിച്ചു…

അവളുടെ കണ്ണുകളിൽ പുഞ്ചിരിയോടെ നോക്കി നടന്ന അയാൾ പെട്ടന്ന് ദൃഷ്ടി മാറ്റി… നടത്തതിന്റെ വേഗത കുറഞ്ഞു….

മറുപടി നൽകാതെ തന്നെ അയാൾ എന്നത്തേയും പോലെ പുഴ കടന്നു ജനവാസത്തിന് അടുത്തു അവളെ നിലത്തിറക്കി….

“ന്നാ… ഞാനങ്കിൾ ന്ന് വിളിച്ചോട്ടെ???”

“വേ… വേണ്ടാ…. ഭ്രാന്തൻന്ന് വിളിച്ചോ… ല്ലേ.. ഭ്രാന്തങ്കുട്ടൻ….”