ഭ്രാന്തിക്കുട്ടി [Hope] 522

“പോണം…..”

 

സംസാരിച്ചോണ്ടിരുന്നപ്പോഴാണ് മലക്ക് മുകളിലേക്ക് വെട്ടം വന്നു തുടങ്ങിയത്…… കുറച്ച് നേരം കഴിഞ്ഞപ്പോഴേക്കും അമ്പലമൊട്ടാകെ വെളിച്ചം പരന്നു….. ഞാനെഴുന്നേറ്റ് മലക്കരികിലായി കെട്ടിയിരുന്ന മതിലിനടുത്തേക്ക് ചെന്ന് സ്ഥലം മുഴുവൻ വീക്ഷിക്കാൻ തുടങ്ങി ……… പളനിയെന്ന ചെറിയ നഗര പ്രദേശം മുഴുവനും മലക്ക് മുകളിൽ നിന്നും നോക്കിയാൽ കാണാം വലിയ കെട്ടിടങ്ങളെല്ലാം ചെറുതായി ബസ്സുകളെല്ലാം കളിപ്പാട്ടം പോലെ തോന്നിക്കും ഇവിടെനിന്നു നോക്കിയാൽ……ചെറുതായിട്ട് അന്തരിക്ഷത്തിൽ തങ്ങി നിന്ന മഞ്ഞിനിടയിലൂടെ ആ കാഴ്ചകൾ മുഴുവൻ കാണാൻ വല്ലാത്തൊരു ഭംഗിയും പ്രത്യേകതയുമായിരുന്നു…….

 

“ഏട്ടാ അങ്ങോട്ട് നോക്കിക്കേ…….”

 

അവളുടെ കൈ ചൂണ്ടിയ ദിശയിലേക്ക് നോക്കിയതും

ഞാൻ അതിശയിച്ചു പോയി……… മഞ്ഞിനിടയിലൂടെ ഉയർന്നുനിൽക്കുന്ന ഇടുമ്പൻമല……

എത്രനേരം കണ്ണെടുക്കാതെ നോക്കി നിന്നെന്നെനിക്കറിയില്ല അത്രയും സുന്ദരമാണ് ഉയർന്നു നിൽക്കുന്ന മലക്കരികിൽ മഞ്ഞ് വീണ് കിടക്കുന്നത് കാണാൻ…….. കുറച്ച് നേരം കൂടി ഇവിടെ ഇരിക്കണമെന്നുള്ള അവളുടെ ആഗ്രഹത്തിന് എതിര് നിൽക്കാൻ എനിക്കും തോന്നിയില്ല ……. നല്ല പോസിറ്റീവ് വൈബുള്ള സ്ഥലം തണുപ്പും ഉയർന്നു കേൾക്കുന്ന മന്ത്രങ്ങളും എന്റെ പതിയോടൊത്തുള്ള നിൽപ്പുമെല്ലാം ഞാൻ അങ്ങേയറ്റം ആസ്വദിച്ചു …….കുറച്ച് നേരത്തെ കാഴ്ച കണ്ടുള്ള ഇരിപ്പും പഞ്ചാമൃതം മേടിക്കലും കഴിഞ്ഞ് നേരെ മലയിറങ്ങാൻ തുടങ്ങി…… ചുറ്റുമുള്ള കാഴ്ചകളും കണ്ട് ഇറങ്ങി വന്നത് കൊണ്ട് അര മുക്കാൽ മണിക്കൂറേടുതാണ് താഴെയെത്തിയത്……..

 

“ഏട്ടാ നമുക്ക് കണ്ണന്റെ മരണ സ്ഥലത്ത് വരെ പോയാലോ……. ”

 

“അത് വേണോ…… ഇവിടെ വന്നപ്പോ തന്നെ നീ ഒരുപാട് കരഞ്ഞു…… അങ്ങോട്ടും കൂടി പോയിട്ട് നീയാകെ കരയാനല്ലേ…. വേണ്ട പോവണ്ട……. ”

 

“ഒറ്റത്തവണ…… പ്ലീസ്….. ”

 

“വേറൊന്നും കൊണ്ടല്ല കൊച്ചേ…… അവിടെ ചെന്ന നീയൊറപ്പായിട്ടും കരയും എനിക്കതും കണ്ട് നിക്കാൻ പറ്റുവോ…… നിന്റെ കണ്ണ് നിറഞ്ഞാ എനിക്ക് സഹിക്കുവോ……. ”

 

“ഇനി ഞാൻ കരയില്ലേട്ടാ……. ഒന്ന് പോയിട്ട് വരാം…..”

 

നിറഞ്ഞ മിഴിയും ചൂണ്ടിൽ ഫിറ്റ്‌ ചെയ്തു വെച്ച പുഞ്ചിയിരിയും കൊണ്ടവള് ചോദിച്ചപ്പോ പിന്നെ ഒന്നും നോക്കിയില്ല നേരെ നടന്ന് നിലപാകം എന്ന ഹോട്ടലിന് മുന്നിലെത്തി…… കണ്ണൻ എന്ന ഇവളുടെ അനിയൻ മരിച്ചു വീണ സ്ഥലം……

 

“ഏട്ടാ ഇവിടെ വെച്ച കണ്ണൻ…… കണ്ണ… ൻ അവനെ വണ്ടിയിടിച്ചത്……. ദേ ഇവിടെ വെച്ച അവൻ മരിച്ചത്……എന്റെ കൈയിൽ കിടന്ന്……”

 

അവള് മുന്നിലേക്ക് ചൂണ്ടി പറഞ്ഞു…… കരയില്ലെന്ന് പറഞ്ഞാളിപ്പോ ദേ കിടന്ന് കരയുന്നു പക്ഷെ അമ്പലത്തിലേതു പോലെ അലറി കരഞ്ഞില്ലെന്ന് മാത്രം……. ”