പ്രേമം ❤️ 5 [Vishnu ] 361

ഞാൻ ഒന്നും മിണ്ടിയില്ല..മിണ്ടിയിട്ടു അവൾ എങ്ങാനും ചൂടായാൽ എല്ലാം പോയി…അവൾ ഇങ്ങോട്ട് മിണ്ടാൻ വേണ്ടി കാത്തിരുന്നു..

“ഹൃഷി….”

ആ വിളി കേട്ടപ്പോൾ മനസ്സിൽ ഒരു കുളിർമഴ…എന്തോ പോലെ ആയി..ഞാൻ അവളെ നോക്കി..

മുഖം കണ്ടപ്പോൾ ആണ് മനസ്സിലായത് ആൾ അത്ര സന്തോഷത്തിൽ അല്ല…എന്തോ ഒരു ദുഃഖത്തിൽ ഉള്ളതുപോലെ തോന്നി..

“ഞാൻ നിന്നോട് വളരെയധികം റഫ്‌ ആയാണ് പെരുമാറിയിട്ടുള്ളത് എന്നറിയാം…നികേഷ് എന്റെ കൂടെ കുട്ടിക്കാലം തൊട്ടുള്ളതാണ്..അവൻ എന്നോട് പറഞ്ഞിട്ടുള്ളത് നിന്റെ കൂടെ അധികം അങ്ങോട്ട് അടുകണ്ട എന്നാണ്…

പക്ഷെ സാധാരണ അത് ഞാൻ കേൾക്കാറില്ല….

എന്നാൽ എന്റെ ചേട്ടനെ നിങ്ങൾ അടിച്ചപ്പോൾ… അവൻ പറഞ്ഞതു സത്യം ആണെന് കരുതി…പക്ഷെ ഇപ്പോൾ അറിയാം…നീ അങ്ങനെ അല്ല എന്ന്…നിങ്ങളോടൊക്കെ ഞാൻ വലിയ ദ്രോഹം ചെയ്തിട്ടുണ്ട്.. പല തവണ നിങ്ങൾ ചെയ്യാത്ത കുറ്റത്തിന് നിങ്ങൾ കഷ്ടപ്പെടേണ്ടി വന്നിട്ടും ഉണ്ട്..സോറി..എല്ലാത്തിനും..”

അവൾ ഇപ്പോൾ കരയും എന്നു തോന്നി…എനിക് ആ കാഴ്ച സങ്കടം ഉണ്ടാക്കി…ഇത് ഞാൻ കണ്ടിട്ടുള്ള നന്ദന അല്ല…

അവളുടെ വലതുകയ്യിൽ ഞാൻ പിടിച്ചു…അവൾ എന്നെ നോക്കി..അവളുടെ കണ്ണിൽ നിന്നും ചെറുതായി വെള്ളം വരുന്നുണ്ടായിരുന്നു…