പ്രണയിനി 7 [The_Wolverine] 1294

ഇറങ്ങേണ്ട സ്ഥലം എത്തിയപ്പോൾ കണ്ടക്ടർ ചേട്ടൻ ആണ് എന്നെ തട്ടിവിളിച്ചത് അപ്പോഴാണ് ഞാൻ ബസ്സിൽ നിന്ന് ഇറങ്ങേണ്ട കാര്യം തന്നെ ഓർത്തത്…      പിന്നെ പതിവുപോലെ തന്നെ എല്ലാ കാര്യങ്ങളിലേക്കും കടന്നു വീട്ടിലേക്ക് ചെന്ന് ഡ്രെസ്സ് മാറി ചായയും കുടിച്ച് നേരേ ബോക്സിങ് ക്ലബ്ബും ശേഷം ജിമ്മും ഒക്കെയായി നേരം കടന്നുപോയ,      അതുകഴിഞ്ഞ് വീട്ടിൽ ചെന്ന് ഫ്രഷായി അമ്മയോടും അച്ഛനോടും കൊറേ നേരം സംസാരിച്ചിരുന്നു ശേഷം ഫുഡും കഴിച്ച് നേരേ റൂമിലേക്ക് പോയി…      എല്ലാം കഴിഞ്ഞപ്പോൾ എകദേശം 08:45 ആയിരുന്നു,   ഇനിയും ഉണ്ട് 15 മിനിറ്റ്,   9 മണിക്കാണ് അവൾ വിളിക്കാൻ പറഞ്ഞത്…      ഞാനിങ്ങനെ ചുമ്മാ ക്ലോക്കിലേക്കും നോക്കി ബെഡ്ഡിൽ കിടന്നു…      9 മണിയുടെ അലാം അടിച്ചപ്പോൾ ഞാൻ ബെഡ്ഡിൽ നിന്ന് ചാടിയെണീറ്റ് അവൾ തന്ന നമ്പറുമായി പതിയെ ലാന്റ്ഫോണിന്റെ അരികിലേക്ക് നടന്നു,      താഴേക്ക് ഒന്ന് കണ്ണോടിച്ചുനോക്കിയപ്പോൾ അച്ഛനും അമ്മേം ഇരുന്ന് ടിവി കാണുന്നതുകണ്ടു…      ഞാൻ ഫോണെടുത്ത് അവൾ തന്ന നമ്പറിലേക്ക് ഡയൽ ചെയ്തു,   ഒന്നുരണ്ടുവട്ടം റിങ് ചെയ്ത ഉടനെ മറുതലക്കൽ കോൾ കണക്ടായി…

“ഹലോ…”      കോൾ കണക്ടായ ഉടനെ ഞാൻ പറഞ്ഞു…

പെട്ടെന്ന് മറുതലക്കൽ എന്തോ ഉച്ചത്തിലുള്ള ശബ്ദം കേട്ടു…

“ഹലോ ഞാൻ അമലാണ് കേൾക്കുന്നുണ്ടോ.?”      ഞാൻ വീണ്ടും പറഞ്ഞു…

“എടാ കേൾക്കുന്നുണ്ട്”      മറുതലക്കൽ അവളുടെ കിളിനാദം കേട്ടു…      പക്ഷെ അപ്പോഴും എന്തോ ഉച്ചത്തിൽ വന്നുവീഴുമ്പോലുള്ള ശബ്ദം അപ്പുറത്ത് കേൾക്കുന്നുണ്ട്…