പ്രണയിനി 5

Author : The_Wolverine

[ Previous Parts ]

 

“സ്റ്റേജിന് പുറത്ത് എത്തിയപ്പോൾ നേരത്തേ അവളുടെ കൂടെ ഇരുന്ന ആ പെൺകുട്ടി ഒരു മൂലയിൽ ഉള്ള സീറ്റിൽ ഇരിക്കുന്നത് കണ്ടു.      ഞാൻ പെട്ടെന്ന് അങ്ങോട്ടേക്ക് ചെന്നപ്പോൾ അവൾ എണീറ്റു എന്നിട്ട് എനിക്ക് നേരേ ഷേക്ക്‌ ഹാൻഡിനായി കരങ്ങൾ നീട്ടി ഞാനും കൈ നീട്ടിയപ്പോൾ അവൾ എന്റെ കരങ്ങൾ കവർന്നെടുത്തുകൊണ്ട് പറഞ്ഞു…

 

 

“Congrats അമലൂട്ടാ”

 

 

എന്നിട്ട് അവൾ ഒന്ന് പുഞ്ചിരിച്ചുകൊണ്ട് തിരിഞ്ഞ് നടന്നുപോയി.      എനിക്ക് ഇപ്പോഴും അവളെ മനസ്സിലായിട്ടില്ലായിരുന്നു ഞാൻ കരുതിയിരുന്നത് ഓപ്പോസിറ്റ് സ്കൂളിൽ പഠിക്കുന്നത് ആണെന്നാണ് പക്ഷെ അവൾക്ക് എന്റെ പേര് വരെ അറിയാം അതും എന്റെ പ്രീയപ്പെട്ടവർ മാത്രം വിളിക്കുന്ന “അമലൂട്ടൻ” എന്ന പേര്.      എത്ര ചിന്തിച്ചിട്ടും ആ മുഖം ഓർമ്മയിൽ വരുന്നില്ല ഞാൻ ആലോചിച്ച് നിൽക്കുമ്പോൾ പുറകിൽ നിന്ന് സുൽഫി എന്റെ തോളിൽ കൈ വെച്ചു.

 

 

“എടാ അവളെ നിനക്ക് മനസ്സിലായില്ലേ”

 

 

“ഇല്ല ആരാടാ അത്”

 

 

“എടാ പൊട്ടാ അതാടാ നിന്റെ രാജി”

 

 

“രാജലക്ഷ്മി”

 

 

തുടരുന്നു…

 

 

സുൽഫി പറഞ്ഞത് കേട്ട് ഞാൻ ആകെ ഞെട്ടി തരിച്ച് നിന്നുപോയി തലയ്ക്ക് അകത്ത് ആകെ ഒരു മരവിപ്പ് പോലെ തോന്നി.      കേട്ടത് സത്യം ആണോ എന്ന ഭാവത്തിൽ ഞാൻ മൂന്നുപേരെയും മാറി മാറി നോക്കി.      എന്റെ ദയനീയമായ നോട്ടം കണ്ടിട്ടോ,      മുഖത്തെ ആകാംഷയോ രക്തപ്രസാദമോ ഒക്കെ കണ്ടിട്ടോ എന്തോ എന്റെ തോളിൽ കൈ വെച്ച് ശ്യാമും അഭിയും കൂടെ പറഞ്ഞു

 

 

“അവൻ പറഞ്ഞത് സത്യം ആടാ അത് നിന്റെ രാജിയാ”