പ്രണയിനി 4 [The_Wolverine] 1433

ഒഴിഞ്ഞുമാറി അവന്റെ ബാക്കിൽ വന്നിട്ട് കുറച്ച് പിന്നിലേക്ക് മാറി ചാടി ഉയർന്ന് അവൻ തിരിഞ്ഞപ്പോൾ തന്നെ അവന്റെ കഴുത്ത് നോക്കി ഒരു ടോർണാൾഡോ കിക്ക് കൊടുത്തു തൽഫലമായി അവന്റെ കണ്ണ് മറിഞ്ഞു റോപ്പിൽ ചെന്ന് നിന്നു എങ്കിലും ബാലൻസ് പോയി റിങ്ങിന് പുറത്തേക്ക് മറിഞ്ഞു വീണു ബോധം മറഞ്ഞിരുന്നു പെട്ടന്ന് റെഫറി Countdown പറഞ്ഞു പത്തുവരെ എണ്ണിയിട്ടും അവൻ എഴുന്നേൽക്കാതിരുന്നതുകൊണ്ട് എന്റെ കൈ പിടിച്ച് ഉയർത്തി Winner എന്ന് പറഞ്ഞ് Announce ചെയ്തു അപ്പോൾ തന്നെ അവന്മാർ മൂന്നുപേരും റിങ്ങിലേക്ക് കേറി വന്ന് എന്നെ കെട്ടിപ്പിടിച്ചു ഞങ്ങളുടെ സ്കൂളിലെ പിള്ളേരൊക്കെ നല്ല ഒച്ചപ്പാടും ആർപ്പുവിളികളും ഒക്കെ ആയിരുന്നു അവന്മാരോടൊപ്പം റിങ്ങിന് പുറത്തേക്ക് ഇറങ്ങിയപ്പോൾ ആണ് അശ്വതി തിരക്കുകൾക്കിടയിൽ നിന്ന് എന്റെ അടുത്തേക്ക് ഓടിവരുന്നത് കണ്ടത് എന്റെ അടുത്തേക്ക് ആണെന്ന് എനിക്ക് മനസ്സിലായി അടുത്ത് എത്തിയതും അവൾ എന്നെ ഇറുക്കി കെട്ടിപ്പിടിച്ചു എന്റെ നെഞ്ചിൽ തലവെച്ച് നിന്നു ഞാൻ ആകെ സ്തംഭിച്ചുപോയി എന്താ ഇപ്പൊ നടന്നത് എന്ന് പോലും മനസ്സിലായില്ല അവന്മാരുടെയും ഞങ്ങളുടെ ചുറ്റും കൂടിയിരുന്ന മറ്റ് കുട്ടികളുടെയും അവളുടെ കൂട്ടുകാരികളുടെയും ടീച്ചേഴ്സിന്റെയും അവസ്ഥയും മറിച്ച് ആയിരുന്നില്ല എല്ലാവരും ഞങ്ങളെ തന്നെ നോക്കി നിൽക്കുവാണ് പെട്ടെന്ന് സ്വബോധം വീണ്ടെടുത്ത ഞാൻ അവളെ പിടിച്ച് മാറ്റി നിർത്തി അവളുടെ മുഖത്തേക്ക് നോക്കിയപ്പോൾ കണ്ണ് നിറഞ്ഞ് ഒഴുകുന്നുണ്ടായിരുന്നു പെട്ടെന്ന് അവൾ ഒരു സോറി പറഞ്ഞുകൊണ്ട് തിരിഞ്ഞ് നടന്നു ഞാൻ കിളിപോയി നിൽക്കുന്ന അവന്മാരെ മൂന്ന് പേരെയും വിളിച്ചുകൊണ്ട് ഗ്രൗണ്ടിലേക്ക് നടന്നു സ്റ്റേജിന് പുറത്ത് എത്തിയപ്പോൾ നേരത്തേ അവളുടെ കൂടെ ഇരുന്ന ആ പെൺകുട്ടി ഒരു മൂലയിൽ ഉള്ള സീറ്റിൽ ഇരിക്കുന്നത് കണ്ടു ഞാൻ പെട്ടെന്ന് അങ്ങോട്ടേക്ക് ചെന്നപ്പോൾ അവൾ എണീറ്റു എന്നിട്ട് എനിക്ക് നേരേ ഷേക്ക്‌ ഹാൻഡിനായി കരങ്ങൾ നീട്ടി ഞാനും കൈ നീട്ടി അവൾ പറഞ്ഞു “Congrats അമലൂട്ടാ” എന്നിട്ട് അവൾ ഒന്ന് പുഞ്ചിരിച്ചുകൊണ്ട് തിരിഞ്ഞ് നടന്നുപോയി എനിക്ക് ഇപ്പോഴും അവളെ മനസ്സിലായിട്ടില്ലായിരുന്നു ഞാൻ കരുതിയിരുന്നത് ഓപ്പോസിറ്റ് സ്കൂളിൽ പഠിക്കുന്നത് ആണെന്നാണ് പക്ഷെ അവൾക്ക് എന്റെ പേര് വരെ അറിയാം അതും എന്റെ പ്രീയപ്പെട്ടവർ മാത്രം വിളിക്കുന്ന “അമലൂട്ടൻ” എന്ന പേര് എത്ര ചിന്തിച്ചിട്ടും ആ മുഖം ഓർമ്മയിൽ വരുന്നില്ല ഞാൻ ആലോചിച്ച് നിൽക്കുമ്പോൾ പുറകിൽ നിന്ന് സുൽഫി എന്റെ തോളിൽ കൈ വെച്ചു എടാ അവളെ നിനക്ക് മനസ്സിലായില്ലേ ഇല്ല ആരാടാ അത് എടാ പൊട്ടാ അതാടാ നിന്റെ രാജി “രാജലക്ഷ്മി”