*പ്രണയമഴ…?* 3 398

“മ്മ്മ്മ്… അസ്സലായിട്ടുണ്ട്…!! പറയാതെ വയ്യാ നല്ല കൈപ്പുണ്യം ആട്ടോ തനിക്ക്…” ചുണ്ടിനെ നനയിച്ച് കൊണ്ട് അവൻ കൊതിയോടെ പറഞ്ഞതും മാനസി അവനെ സംശയത്തോടെ നോക്കി…

“അതിന് മാഗ്ഗി നൂഡിൽസ് ആര് ഉണ്ടാക്കിയാലും ഇതേ ടേസ്റ്റ് തന്നെ ആയിരിക്കും…” ഫോർക്കിൽ നൂഡിൽസ് ചുറ്റി വായിൽ വെച്ച് കൊണ്ട് അവൾ അവനെ നോക്കാതെ പറഞ്ഞു…

“അതൊക്കെ ആയിരിക്കും.. പക്ഷെ ഇതിന് വല്ലാത്തൊരു ടേസ്റ്റ്… ഉമ്മ്മ്…” സ്വരത്തിൽ പ്രണയം കളർന്നു പോയി… കണ്ണുകൾ വല്ലാതെ തിളങ്ങി… കണ്ണിമയ്ക്കാതെ തന്റെ പാതിയെ നോക്കി ഇരുന്നു പോയി… തന്നെ മാത്രം കണ്ണിൽ നിറച്ച് നോക്കുന്ന അശ്വിനെ കാൻകെ അവൾക്ക് വല്ലാത്ത അസ്വസ്ഥത തോന്നി… നേതൃഗോളങ്ങൾ കയമില്ലാതെ അങ്ങോട്ടും ഇങ്ങോട്ടും പാഞ്ഞു…

“ഞാൻ അടുക്കളയിൽ ഇരുന്ന് കഴിച്ചോളാം…”പ്ലേറ്റ് എടുത്ത് അവൾ എണീറ്റു…

“അയ്യോ ഇരിക്ക് മീനു… ഞാൻ ചുമ്മാ നോക്കിയതാ… ഇനി നോക്കില്ല.. അല്ലേൽ വേണ്ട നടക്ക് നമുക്ക് ഒപ്പം അവിടിരുന്ന് കഴിക്കാം…” അവനും പ്ലേറ്റ് എടുത്ത് എണീറ്റതും മാനസി തലയിൽ സ്വയം ഒന്ന് കൊട്ടികൊണ്ട് അവിടിരുന്ന് വേഗത്തിൽ ഭക്ഷണം കഴിച്ചു… അവളെ നോക്കി ഒന്ന് അടക്കി ചിരിച്ച് കൊണ്ട് അവനും ഭക്ഷണം കഴിച്ചു…

“നാളെ നമുക്ക് ഒരിടം വരെ പോയാലോ വർക്ക്‌ കഴിഞ്ഞ്…??” അവൻ അവളോടായി ചോദിച്ചു…

“അത് പിന്നെ… എനിക്ക്…” വാക്കുകൾക്കായി അവൾ പരതുമ്പോൾ തന്നെ അശ്വിന് മനസ്സിലായിരുന്നു വരാൻ താല്പര്യം ഇല്ലെന്ന്…