*പ്രണയമഴ…?* 3 398

“നിന്നോട് ഒപ്പം പോവാം എന്നല്ലേ ഞാൻ പറഞ്ഞത്…”ഒറ്റപുരികം പൊക്കി അവൻ ഗൗരവത്തോടെ ചോദിച്ചതും അവനെ നോക്കി കോക്രി കാണിച്ച് ചെവിയിൽ ഹെഡ് സെറ്റ് തിരുകി അവൾ കണ്ണടച്ചിരുന്നു… താടിക്ക് കൈ കൊടുത്ത് അവളെ തന്നെ നോക്കി കൊണ്ട് അവനും..

____________________________?

“മീനൂട്ടി… എന്താ ഉണ്ടാക്കുന്നെ…?!” രാത്രി കഴിക്കാൻ ഭക്ഷണം ഉണ്ടാക്കി കൊണ്ടിരിക്കുമ്പോൾ കൌണ്ടർ ടോപ്പിൽ അവൾക്ക് അരികിൽ കയറി ഇരുന്ന് കൊണ്ട് അവൻ മൃദുവായി ചോദിച്ചു…

“മീനൂട്ടിയോ…?” സംശയത്തോടെ അവൾ കണ്ണുകൾ കുറുക്കി…

“ഹാ കൂടെ കൂടെ മാനസി എന്ന് വിളിക്കുമ്പോൾ ഒരു ഗും ഇല്ല… പിന്നെ നിന്നെ മാനൂട്ടി എന്ന് വിളിക്കാൻ കഴിയില്ലല്ലോ അപ്പൊ മാ ക്ക് ഒരു വള്ളി കൊടുത്ത് മീനൂട്ടി ആക്കി… എങ്ങനെ ഉണ്ട്… മ്മ്മ്…??” വല്യ കാര്യത്തിൽ ഉത്സാഹത്തോടെ അവൻ ചോദിച്ചു…

“സീ അശ്വിൻ എനിക്ക് നിങ്ങളെ ഇഷ്ടപ്പെടാൻ കഴിയില്ല… എന്റെ കയ്യിൽ കുറച്ച് പണം ആയി കഴിഞ്ഞാൽ നമുക്ക് പിരിയാം… വെറുതെ അതും ഇതും മനസ്സിൽ കയറ്റി അവസാനം നിങ്ങൾക്ക് അതൊരു വല്യ വേദന ആവും…”

“ആയിക്കോട്ടെ… അത് വരെ എങ്കിലും ഇങ്ങനെ സ്നേഹിക്കാലോ… നമ്മൾ ഉള്ളതിൽ തൃപ്തിപ്പെടണം ന്റെ മീനൂട്ടിയെ… പിന്നേയ് അശ്വിൻ എന്ന് വിളിക്കുമ്പോ ഒരു ഡിസ്റ്റൻസ് പോലെ നീ അച്ചേട്ടാന്നോ ഏട്ടാന്നോ വിളിച്ചാ മതി കേട്ടോ…” കുറുമ്പോടെ പറഞ്ഞ് കൊണ്ടവൻ അവളുടെ ഉണ്ടാക്കവിളിൽ അമർത്തി ഉമ്മ വെച്ച് കൊണ്ട് മുറിയിലേക്ക് ഓടി കയറി… ദേശിച്ച് കൊണ്ട് അവനെ നോക്കുന്ന അവൾക്ക് വാതിൽക്കൽ വെച്ച് കണ്ണിറുക്കി കാണിച്ച് ചുണ്ട് കൊണ്ട് ഒരു മുത്തം പറത്തി വിട്ട് അവൻ കതകടച്ചു…