*പ്രണയമഴ…?* 3 398

“ഞാൻ പുറത്ത് നിന്നും ഫുഡ്‌ ഓർഡർ ചെയ്തിട്ടുണ്ട്…” റൂമിൽ നിന്നും കിച്ചനിലേക്ക് നടക്കുന്ന മാനസിയോട് അശ്വിൻ പറഞ്ഞു…അവൾ അവനെ ഒന്ന് നോക്കി ഫോണിൽ കാര്യമായി എന്തോ ചെയ്യുകയാണ്… അവൾ ഒന്ന് ആലോചിച്ച ശേഷം അവന് അരികിലേക്ക് ചെന്ന് അടുത്തുള്ള ചെയറിൽ ഇരുന്നു…

അവളിൽ നിന്നും വമിക്കുന്ന ഇലഞ്ഞിപൂവിന്റെ ഗന്ധം നാശികതുമ്പിനെ തഴുകി ഉണർത്തിയതും അവന്റെ കൈകൾ ഒന്ന് ചുരുണ്ടു… കണ്ണുകൾ ഇറുക്കി അടച്ചു… തന്നെ സ്വയം നഷ്ടപ്പെടും പോലെ…!!

“ഞാനൊരു കാര്യം ചോദിച്ചോട്ടെ…?!” അല്പം മടിയോടെ ആണ് മാനസി ചോദിച്ചത്…

“അതിന് ഒരു മുഖവുരയുടെ ആവിശ്യം ഉണ്ടെന്ന് എനിക്ക് തോന്നുന്നില്ല…” ഒരു വിധം ഉള്ളിലെ പതർച്ച അടക്കിപിടിച്ച് അവൻ ചെറുചിരിയോടെ പറഞ്ഞു…

“എ… എന്നെ എന്തിനാ കല്യാണം കഴിച്ചേ…”തലയും താഴ്ത്തി ശബ്ദം നന്നേ കുറച്ച് അവൾ ചോദിച്ചു… ഉത്തരം പറയാൻ അവൻ ഒരുങ്ങുമ്പോഴേക്കും കാളിങ് ബെൽ മുഴങ്ങി… എണീറ്റ് വാതിൽ തുറന്ന് നോക്കിയതും ഓർഡർ ചെയ്ത ഫുഡും ആയി നിൽക്കുന്ന ഡെലിവറി ബോയിൽ നിന്നും ഫുഡ്‌ വാങ്ങി ബിൽ പേ ചെയ്ത് കതക് അടച്ച് ഫുഡ്‌ കഴിക്കാൻ ഇരുന്നു…

രണ്ടുപേരിലും നിശബ്ദത മാത്രം… ഫുഡ്‌ കഴിച്ച് കഴിഞ്ഞ് പാത്രം എടുത്ത് അശ്വിൻ എണീറ്റു… സിങ്കിൽ നിന്നും പാത്രം കഴുകി തിരിച്ച് റൂമിലേക്ക് കയറാൻ നിന്നതും മാനസി വീണ്ടും അതേ ചോദ്യം ആവർത്തിച്ചു…

“എന്തിനാ എന്നെ കല്യാണം കഴിച്ചേ…??!” അവളെ നോക്കി ഒന്ന് മന്ദഹസിച്ച് കൊണ്ട് അവൻ അവൾക്ക് അരികിലേക്ക് വന്നു…