*പ്രണയമഴ…?* 3 398

“ഞാൻ ഉമ്മ ഒന്നും വെച്ചില്ലല്ലോ… ഒന്ന് അടുത്ത് ഇരുന്നതല്ലേ…”തന്നെ ചെറഞ്ഞ് നോക്കുന്ന മാനസിയോട് അവൻ ചുണ്ട് പിളർത്തി കൊണ്ട് പറഞ്ഞു… മാനസിക്ക് ചിരി വരുന്നുണ്ടായിരുന്നു… അത് പുറമേക്ക് കാണിക്കാതെ മറുപുറം മിഴികൾ പായിച്ചു…

“അന്നൊരിക്കെ കോളേജിന്റെ അരമതിലിൽ ഇരിക്കുമ്പോഴാ ഒരു വെളുത്ത കുർത്തിയും ഇട്ട് മുടി കുളിപ്പിന്നൽ ഇട്ട് നെറ്റിയിൽ ചന്ദനം വരച്ച ഒരു നാണം കുണുങ്ങി പെണ്ണിനെ ഞാൻ കണ്ടത്…” അവളെ നോക്കി കള്ളച്ചിരിയോടെ അവൻ പറഞ്ഞതും മാനസിയുടെ ഉള്ളം ഒന്ന് നാണിക്കാതെ ഇരുന്നില്ല…

“കണ്ടമാത്രയിൽ ആ കുട്ടിയോട് എനിക്ക് വല്ലാത്തൊരു ഇഷ്ട്ടം ആയിരുന്നു… പിന്നീട് എപ്പോഴോ അസ്ഥിക്ക് പിടിച്ച പ്രണയം ആയി…” അവളെ തന്നെ നോക്കി അവൻ പറഞ്ഞ് നിർത്തി… മാനസിയുടെ ചുണ്ടുകൾ ഒന്ന് വിറച്ചു… നേതൃഗോളങ്ങൾ കയമില്ലാതെ ചുറ്റും പാഞ്ഞ് നടന്നു…

“അപ്പോഴാ എന്റെ കൂട്ടുകാരനും ആ കുട്ടിയെ ഇഷ്ട്ടം ആണെന്ന് അറിഞ്ഞേ… നോക്കുമ്പോ ആ കുട്ടിക്കും അവനെ ഇഷ്ട്ടാന്നെ…” ചെറിയ കുട്ടികളോട് മുത്തശ്ശിമാർ കഥ പറഞ്ഞ് കൊടുക്കും പോലെ മുഖത്ത് അതിശയം വാരി വിതറി അവൻ അവളോട് പറഞ്ഞതും മാനസി അവനെ കണ്ണുരുട്ടി ഒന്ന് നോക്കി…

“പിന്നെ അവരെ രണ്ടുപേരേം കെട്ടും കഴിഞ്ഞ് രണ്ടും കൂടെ സുഖായി ജീവിക്കുന്നുണ്ടെന്നാ കേട്ടത്… ഞാൻ ആ പെണ്ണിനേയും ഓർത്ത് ജീവിതം തള്ളിനീക്കാം എന്ന് കരുതിയപ്പോഴാ നിന്റെ അച്ഛൻ വന്ന് എന്നോട് എന്റെ മോളേ കേട്ടോ എന്നും പറഞ്ഞ് യാചിച്ചത്… എനിക്ക് പിന്നെ നല്ല മനസ്സ് ആയത് കൊണ്ട് ഇഷ്ട്ടം ഇല്ലാഞ്ഞിട്ട് കൂടി നിന്നെ അങ്ങ് കെട്ടി കൂടെ പൊറുപ്പിക്കുന്നു…” അവളെ നോക്കി ചുണ്ട് കോട്ടി കൊണ്ട് അവൻ ഒരു മല തന്നെ തള്ളി മറിച്ചിട്ടു…

“ഓഹോ അങ്ങനെ ആണല്ലേ… എന്റെ അച്ഛൻ ആണല്ലേ നിന്നോട് കെഞ്ചിയത്…??!” പറഞ്ഞ് തീർന്നതും അവൾ അവനെ കയ്യിൽ തുരുതുരെ അടിച്ച് കൊണ്ടിരുന്നു…