*പ്രണയമഴ…?* 3 398

“ഫോൺ താ…”

“നീ വരോ ഇല്ലയോ…”ഫോൺ അവന്റെ ഷിർട്ടിന്റെ ഉള്ളിലേക്ക് ഇട്ട് കൊണ്ട് അവൻ കൈ കെട്ടി ചോദിച്ചു…

“ഞാൻ വരാം…” ആഞ്ഞൊന്ന് ശ്വാസം വിട്ട് കൊണ്ട് അവൾ ഒട്ടും താല്പര്യം ഇല്ലാത്ത പോലെ പറഞ്ഞു… പക്ഷെ ഉള്ള് നിറയെ സന്തോഷം ആയിരുന്നു… ഒന്ന് പുറത്തൊക്കെ പോവാൻ അവളും കൊതിച്ചിരുന്നു…

“എന്നാൽ പോയി റെഡി ആയിക്കോ…” സന്തോഷത്തോടെ അവൻ പറഞ്ഞ് കൊണ്ട് അവന്റെ റൂമിലേക്ക് ചെന്നു… പണ്ടൊക്കെ കവിളിൽ ഒരു ഉമ്മ തന്നേനെ… അന്ന് ആ സംഭവത്തിന് പിന്നെ എന്നെ ഒന്ന് തൊട്ടിട്ട് പോലും ഇല്ല… ചെറിയൊരു ചിരി അവളുടെ ചുണ്ടിൽ മിന്നി…

_____________________?

“ഇവിടെയാ ഞാൻ പഠിച്ച സ്കൂൾ കുറച്ച് ഉള്ളിലോട്ട് പോവണം… നല്ല അടിപൊളി സ്പോട്ട് ആണ്… പിന്നെ മുത്തശ്ശി മരിച്ചപ്പോഴാ ഞാൻ നമ്മടെ കോളേജിൽ ചേർന്നത്…” ഡ്രൈവിങ്ങിന് ഇടയിൽ ഓരോന്ന് വാ തോരാതെ അശ്വിൻ പറഞ്ഞ് കൊണ്ടേ ഇരുന്നു…

എല്ലാം കേൾക്കുന്നുണ്ടെങ്കിലും ഒന്നിലും ശ്രദ്ധ കൊടുക്കാത്ത പോലെ മാനസി പുറത്തേക്ക് നോക്കി ഇരുന്നു…

“വാ… ഇറങ്ങ്…” പാർക്കിങ്ങിൽ കാർ നിർത്തി അശ്വിൻ പുറത്തേക്കിറങ്ങി അവളെ വിളിച്ചു… അവളും പുറത്തേക്ക് ഇറങ്ങി അവന് പിറകെ ചെന്നു… കൂടി നിൽക്കുന്ന മുളക്കൂട്ടത്തിന് ചോട്ടിൽ ഇട്ടിരിക്കുന്ന സിമന്റിൽ ബെഞ്ചിൽ ചെന്നിരുന്നു… മറ്റേ തലക്കൽ അവളും ചെന്നിരുന്നു… അവളെ ഒന്ന് നോക്കിയ ശേഷം അവൾക്ക് അരികിലേക്ക് അവൻ ചേർന്നിരുന്നു…