*പ്രണയമഴ…?* 3 398

“പിന്നേയ്…!!!” പ്രത്യേക താളത്തിൽ അവൻ പറഞ്ഞതും അവൾ എന്തെന്ന ഭാവേന അവനെ ഒന്ന് നോക്കി…

“സമ്മതം കിട്ടിയാൽ…. പിന്നെ…!!” കള്ളച്ചിരിയോടെ ചൂണ്ട് വിരൽ കൊണ്ട് മീശ ഒന്ന് തടവി പറഞ്ഞ് പൂർത്തിയാക്കും മുന്നേ അവൾ വാതിൽ കൊട്ടി അടച്ചിരുന്നു… ചിരിയോടെ അവനും മുറിയിലേക്ക് കയറി…

__________________________?

“നിനക്ക് ഇവിടിരുന്ന് ബോർ അടിക്കുന്നില്ലേ…?? ഏതായാലും ഇന്ന് ലീവ് അല്ലേ നമുക്ക് ഒന്ന് പുറത്തൊക്കെ പോയി വരാം… ഇങ്ങോട്ട് വന്നിട്ടിപ്പോ മൂന്ന് മാസം ആയി ഇതുവരെ എങ്ങോട്ടും പോയില്ലല്ലോ… നമുക്ക് പാർക്ക്‌ വരെ പോവാം…!!” സെറ്റിയിൽ ഇരുന്ന് ഫോണിൽ നോക്കുന്ന മാനസിയുടെ അടുത്ത് വന്നിരുന്ന് കൊണ്ട് അശ്വിൻ ചോദിച്ചു…

പോവാൻ തനിക്കും ആഗ്രഹം ഉണ്ടെങ്കിലും അത് തുറന്ന് പറയാൻ ഒരു മടി… അത് കൊണ്ട് തന്നെ ഫോണിൽ തന്നെ നോക്കി ഇരുന്നു…

“മീനൂട്ടി…!!” ചിണുങ്ങി കൊണ്ടവൻ അവളുടെ ഫോൺ വാങ്ങി പിറകിലേക്ക് വെച്ചു…

“അശ്വിൻ താ അത്…”ഗൗരവത്തോടെ അവൾ പറഞ്ഞു…

“നീ ഇത് പറ നമുക്ക് പോവാം…!!”അതൊട്ടും കൂസാതെ അവൻ ചോദിച്ചതും അവൾ അവന്റെ കയ്യിൽ നിന്നും ഫോൺ വാങ്ങാൻ ഉള്ള തന്ത്രപ്പാടിൽ ആണ്…