*പ്രണയമഴ…?* 3 398

*പ്രണയമഴ…?* 3

 

 

✍️മഞ്ഞ് പെണ്ണ്…

 

 

നല്ല അടുക്കും ചിട്ടയും ഉള്ള വീട്… രണ്ട് മുറികളും ഒരു അടുക്കളയും ഹാളും ഹാളിനോട് ചേർന്ന് ഒരു ബാൽകണിയും…

 

 

“താൻ ആ മുറിയിൽ കിടന്നോളു…” ഒരു മുറി ചൂണ്ടി കാണിച്ച് അവൻ പറഞ്ഞതും കൂടുതൽ സംസാരത്തിന് മുതിരാതെ അവൾ തന്റെ സാധങ്ങൾ എടുത്ത് മുറിയിൽ കയറി കതകടച്ചു… അവൾ പോവുന്നതും നോക്കി അവൻ മനോഹരമായി ഒന്ന് ചിരിച്ചു… വൈകാതെ ചുണ്ടിലെ ചിരി ഒരു കള്ളച്ചിരിയിലേക്ക് വഴിമാറി… കവിളിൽ രൂപപ്പെട്ട ഗർത്തങ്ങൾ അവക്ക് കൂടുതൽ മാറ്റ് കൂട്ടി…

 

 

 

 

“നിന്നെ ഞാൻ എടുത്തോളാം…”കട്ടിമീശ ഒന്ന് പിരിച്ച് വെച്ച് അവൻ ചിരിയോടെ പറഞ്ഞ് കൊണ്ട് അവന്റെ ലഗ്ഗേജ് എടുത്ത് മറ്റേ മുറിയിലേക്ക് ചെന്നു…

 

 

കുളിച്ച് ഒന്ന് ഫ്രഷ് ആയി ബെഡിലേക്ക് കിടന്നു… ക്ഷീണം കൊണ്ട് കണ്ണുകൾ അടഞ്ഞ് തുടങ്ങിയിരുന്നു…

 

___________________?

 

 

വീട്ടിൽ വിളിച്ച് എത്തിയ വിവരം അറിയിച്ച് മാനസി കുളിക്കാൻ കയറി… കുളിച്ചിറങ്ങി ഗ്ലാസ്‌ വിന്ഡോ തുറന്നതും മുന്നിൽ കാണുന്ന തിരക്കേറിയ എറണാകുളം സിറ്റിയെ കുറച്ച് നേരം ഒന്ന് നോക്കി നിന്നു… ഒത്തിരി നേരം കാറിൽ ഇരുന്നത് കൊണ്ട് തന്നെ നടുവ് നന്നായി വേദനിക്കുന്നുണ്ടായിരുന്നു… കയ്യിൽ കരുതിയ രസ്നതി പൊടി നെറുകയിൽ തടവി കൊണ്ട് അവൾ ബെഡിലേക്ക് കയറി കിടന്നു…

 

 

നേരം സന്ധ്യയോട് അടുത്തപ്പോൾ ആണ് അവൾ കണ്ണുകൾ തുറന്നത്…ബെഡിലേക്ക് ചാരി ഇരുന്ന് കണ്ണുകൾ ഒന്ന് അടച്ചു… നന്നായി വിശക്കുന്നുണ്ട്… എണീറ്റ് ബാത്‌റൂമിൽ ചെന്ന് മുഖം ഒന്ന് കഴുകി കതക് തുറന്ന് ഹാളിലേക്ക് ചെന്നു… അശ്വിന്റെ മുറി അടച്ചിട്ടു തന്നെയാണ് കിടക്കുന്നത്… അത് കണ്ടതും അവൻ എഴുന്നേറ്റിട്ടില്ലെന്ന് ഉറപ്പായി… കിച്ചണിൽ കയറി ഫ്രിഡ്ജ് തുറന്നതും വേണ്ട സാധനങ്ങൾ എല്ലാം ഉണ്ട്… ഒരു പാല് പാക്കറ്റ് എടുത്ത് പൊട്ടിച്ച് ഗ്യാസിൽ ചായക്ക് വെച്ചു…