പുനർജന്മം : ഐറയുടെ പ്രതികാരം -3 [Aksha Akhila Akku] 211

ഒപ്പം ആ മരത്തിൽ നിന്നും പുഷ്പങ്ങൾ അടർന്നുവീണു കൊണ്ടും…..

 

ആ മൗനത്തിന് വിരാമമിട്ടുകൊണ്ട് സെബാസ്റ്റ്യൻ തുടക്കമിട്ടു…

 

 

“എന്താ മോളെ നീ ഞങ്ങളോട് പറയാനുണ്ട് എന്ന് പറഞ്ഞത്…

ഞങ്ങൾക്ക് രണ്ടുപേർക്കും നിന്നോട് ഒത്തിരി കാര്യങ്ങൾ ചോദിക്കണമെന്നുണ്ട്….

ആദ്യം മോൾ എന്തായാലും പറയ്……”

 

 

 

“അതെ…..എനിക്കും അറിയണം ഇത്രയും നാളും നീ എന്നോട് പിണങ്ങി ഇരുന്നത് എന്തിനു വേണ്ടിയാണെന്ന്.. .

നിനക്കെന്നെ കാണണമെന്ന് സെബിച്ചായൻ വന്നു  പറഞ്ഞപ്പോൾ ഇവിടെ വന്ന് എന്നെ ഇത്രയും നാളും വേദനിപ്പിച്ചതിന് നല്ല ഒരു അടി വെച്ചു തരണം എന്നാണ് വിചാരിച്ചത്….

എന്നാൽ നിന്നെ നേരിൽ കണ്ടപ്പോൾ അതിനു പോലും പറ്റുന്നില്ലടീ.. നിന്നെ വേദനിപ്പിക്കാൻ എനിക്ക് കഴിയുന്നില്ല…….. ”

 

 

ചിത്തിര പരിഭവത്തോടെ നിന്നു….

 

ഐറ  രണ്ടുപേരെയും നോക്കി പുഞ്ചിരിച്ചു കൊണ്ട് വിദൂരതയിലേക്ക് നോക്കി….

 

അവളുടെ ആ പുഞ്ചിരിയിൽ മറഞ്ഞിരുന്ന വേദന അവർ രണ്ടുപേരും മനസ്സിലാക്കി…

 

ഒരു ദീർഘനിശ്വാസത്തോടെ ഐറ  കയ്യിലിരുന്ന പൂവിനെ ഒന്ന് തഴുകി……..

 

 

 

 

“ചിത്തു… ആദ്യം നിനക്കുള്ള മറുപടി ഞാൻ തരാം…..

നിനക്ക് ഓർമ്മയുണ്ടോ ലിസയുടെ ബർത്ത്ഡേയുടെ അന്ന് നീ ഇവിടെ വന്നതും പിന്നീട് ഒരു കോൾ അറ്റൻഡ് ചെയ്യാൻ പുറത്തേക്ക് പോയതും ഒക്കെ….. ”

 

 

 

അതിനു മറുപടിയായി ചിത്തിര അതേ എന്ന് തലയാട്ടി……

 

 

 

“അതിനുശേഷം നീയും ലിസയും തമ്മിൽ കണ്ടിരുന്നോ…. ”

 

 

“കണ്ടല്ലോ… എന്നെ വിളിച്ചത് നമ്മുടെ ന്യൂസർ ശാലു ആയിരുന്നു……..

അവളോട് സംസാരിച്ചു തിരിഞ്ഞപ്പോഴാണ് ലിസയെ  കണ്ടത്..”