പിച്ചിച്ചീന്തിയെടുത്ത പ്രണയകഥകൾ (പാർട്ട്‌ 1) [Vickey wick] 80

പിച്ചിച്ചീന്തിയെടുത്ത പ്രണയകഥകൾ

Author : Vickey wick

                      [Next part]

പ്രണയകഥകൾ എഴുതി എനിക്ക് വല്യ പരിചയം  ഇല്ല. അത്കൊണ്ട് തെറ്റുകുറ്റങ്ങൾ ഉണ്ടായിപ്പോയാൽ ക്ഷമിക്കുക. മാത്രമല്ല പ്രണയം എന്ന വികാരം പണ്ടത്തെ അത്ര തീക്ഷണമായി എന്നിൽ ഇന്ന് ഇല്ല താനും. എങ്കിലും എനിക്ക് ഇഷ്ടമുള്ള പലതിനെയും ഞാൻ പ്രണയിക്കുന്നു. കടലിനെ, കാറ്റിനെ, സംഗീതത്തെ, കഥകളെ അങ്ങനെയങ്ങനെ.

എന്തായാലും ഇത് പ്രണയകഥകളെയും സൗഹൃദത്തെയും പ്രണയിക്കുന്നവർക്കുള്ള എന്റെ ഒരു എളിയ സമ്മാനമാണ്. ഇഷ്ടമായാൽ സപ്പോർട്ട് ചെയ്യുക. നിങ്ങളുടെ സുഹൃത്തുക്കളുടെ ശ്രദ്ധ ഇവിടേയ്ക്ക് കൂടി ക്ഷണിക്കുക. കാരണം നിങ്ങളുടെ സ്നേഹവും സഹകരണവും ആണ് എനിക്ക് തുടർന്ന് എഴുതുവാനുള്ള പ്രചോദനം…

നേരം വൈകുന്നേരം ഒരു 6 മണിയോളം ആയിട്ട് ഉണ്ടാകും. ഹോസ്റ്റൽ ടെറസിൽ 4 സുഹൃത്തുക്കൾ ഇരുന്നു വെള്ളമടിക്കുകയായിരുന്നു. ഒരുത്തൻ പുസ്തകം വായിക്കുന്നു. കുറേപേർ ചീട്ടുകളിക്കുന്നു. ഒരുത്തൻ ഫോണിൽ സൊള്ളുന്നു.

“ഡാ…”

പെട്ടെന്ന് ഉച്ചത്തിൽ ഉള്ള വിളി.

“എടാ കുപ്പിമാറ്റ്, ഡാ വാർഡൻ, ചീട്ട് മാറ്റ്, ഞാൻ പിന്നെ വിളിക്കാം…”