നിർമ്മാല്യം – 5

Nirmmalyam Part 5| Author : Pravasi

Previous Part

ഫ്‌ളൈറ്റിൽ കയറി ഞാൻ ഇരിക്കുമ്പോൾ തൊട്ടടുത്ത് ഒരു മധ്യ വയസ്കനും അപ്പുറത്ത് ഭാര്യയും ആൾറെഡി ആസനസ്ഥരാണ്…

എയർ പിടിച്ചിരിക്കുന്ന ആ സ്ത്രീയെയും അടുത്ത് പാവത്താൻ പോലിരിക്കുന്ന ഭർത്താവിനെയും കണ്ടാൽ തന്നെ കിടപ്പുവശം മനസിലാവും…

എങ്കിലും ആവശ്യക്കാരൻ ഞാനല്ലേ അയാൾക്ക് നേരെ ഒരു ഹായ് വിട്ടു…

തിരിച്ചു ഹായ് വരുമ്പോൾ അപ്പുറത്ത് നിന്ന് പിറുപിറുക്കുന്നത് കേൾക്കാം..

“മേനോൻ,, ഏതാ ജാതീം മതോം എന്നൊന്നും അറിയാതെ കാണുന്നവരോടൊക്കെ ആടിപാടാൻ നിൽക്കല്ലേ എന്ന് എത്ര വട്ടം പറയണം…”

ആ ശുദ്ധൻ അത് കേട്ടതും തൊട്ട് അയിത്തമാകാതിരിക്കാൻ എന്ന വണ്ണം എന്നിൽ നിന്ന് മാക്സിമം അകന്നിരുന്നു..

പുറകിൽ കീർത്തിയേച്ചിയും വെറുതെ ഇരുന്നില്ല… ആളു തൊട്ടടുത്തു ഉണ്ടായിരുന്ന സ്ത്രീയെ ചാക്കിട്ട് സമ്മതിപ്പിച്ചു എന്റെ സീറ്റിൽ ഇരുത്താൻ സമ്മതിപ്പിച്ചു…

“എങ്ങനെ ഒപ്പിച്ചെടുത്തു??”

കീർത്തിയേച്ചിക്ക് ഒപ്പം പിറകിൽ ആളുടെ സീറ്റിന് നേരെ നടക്കുമ്പോൾ ഞാൻ ചോദിച്ചു…

“സിമ്പിൾ ആണ് ചെക്കാ… നീ എന്റെ ഹസ് ആണെന്ന് വച്ചു കാച്ചി… എന്നിട്ടും വീഴാതെ ആയപ്പോൾ പ്രെഗ്നന്റ് ആണെന്നും ഓമിറ്റിങ് ഉണ്ടെന്നും പറഞ്ഞു… അതോടെ കക്ഷി ഫ്‌ലാറ്റ്..”

“ഞഞ്ഞായി..”

അപ്പോളേക്കും കീർത്തിയേച്ചി നടുവിലെ സീറ്റിലിരുന്നു എനിക്ക് കൊറിഡോറിനോട് ചേർന്നുള്ള സീറ്റ് കിട്ടി…

“ഇനി പറയ് ചെറുക്കാ…. എനിക്കുറപ്പുണ്ട് അവൾക്ക് നിന്നോട് ഇഷ്ടം ഉണ്ടെന്ന്… എന്നിട്ടും അവളെങ്ങനെ വേറെ കെട്ടി??”

“ഒക്കെ പറയാമെന്റെ കീർത്തിയേച്ചീ… ആദ്യമൊന്ന് സ്വസ്ഥമായി ഇരിക്കട്ടെ..”

ഞാൻ സീറ്റ് ബെൽറ്റ് ഒക്കെ ശരിയാക്കി കഴിഞ്ഞു ബാക്കി പറഞ്ഞു തുടങ്ങി….

♥️♥️♥️

അഞ്ജനയുടെ സംഭവത്തിന്‌ പിറ്റേന്ന് സന്ധ്യ പിന്നാലെ വന്നു ട്യൂൺ ചെയ്യാൻ നോക്കിയെങ്കിലും ഋതു തന്നെ അതിനെ മുളയിലേ നുള്ളി..

ഞങ്ങളുടെ റിലേഷൻ കൂടുതൽ സുന്ദരമായി തുടർന്നു… മിക്കവാറും ഹോളിഡേയ്സിൽ അവളുടെ വീട്ടിലോ എന്റെ വീട്ടിലോ ഞങ്ങൾ ഒത്തു കൂടി…