നിർഭയ

Nirbhaya

author : നൗഫു

 

“നീ എവിടെടാ പട്ടി … ഞാൻ എത്ര നേരമായി വിളിക്കുന്നു… ഫോണും പരിധിക്ക് പുറത്താക്കി ഏത് മറ്റോടുത്തു പോയി കിടക്കാണെടാ തെണ്ടി…”

 

അജു എന്ന് വിളിക്കുന്ന അജ്‌നാസിന്റെ ഫോണിലേക്കു വിളിച്ചു കൊണ്ട് അനസ് ആക്രോസിച്ചു…

 

“എന്താടാ തെണ്ടി.. ഞാൻ ഒരു സാധനം കൊടുക്കാൻ പോയതാണ്..”

 

“എന്ത് സാധനം..”

 

“മറ്റവൻ തന്നെ ഇടുക്കി ഗോൾഡ് …”

 

“എന്നിട്ട് കൊടുത്തോ,..”

 

“പിന്നെ കൊടുത്തു.. ഞാൻ അങ്ങോട്ട്‌ വരുന്നുണ്ട്…”

 

“രാജേഷ് എവിടെ…”

 

“അവൻ മറ്റേ കരിമ്പിനെയും കൊണ്ട് വരുന്നുണ്ട്, ഞാൻ അതിനാ നിന്നെ വിളിച്ചത്….”

 

“ആരെ…”

 

“റുക്‌സാനയെ യോ …”

 

“അവളെ കിട്ടിയോ…”

 

“പിന്നെ… ഇന്ന് രാത്രി മുഴുവൻ അവൾ നമ്മുടെ കൂടെയാണ്…”

 

“ഹോ.. ഞാൻ ഇതാ വരുന്നു..”

 

“ടാ.. നീ നമുക്കുള്ള സാധനം എടുത്തിട്ടില്ലേ.. ഇന്നത് കൂടെ വേണം,.. അവൾക് മറക്കാനാകാത്ത ഒരു രാത്രിയായിരിക്കും ഇത്..”

 

“അതൊക്കെ സെറ്റ് ആണ് മോനെ… ഞാൻ ഒന്ന് മെഡിക്കൽ ഷോപ്പിൽ കൂടി കയറി വരാം..”

 

❤❤❤

 

കയ്യിലുള്ള ചുരുട്ടിൽ നിന്നും പുകഞ്ഞു പൊന്തുന്ന പുകയുടെ മണം തന്നെ ആരുടേയും ഉള്ളിൽ ലഹരി നിറക്കാൻ പറ്റുന്നതായിരുന്നു..

 

അജുവും അനസും ആ പൊട്ടി പൊളിഞ്ഞ വീടിന്റെ ഒരു റൂമിൽ ഇരിക്കുകയാണ്.. അവരുടെ കയ്യിലുള്ള കഞ്ചാവ് നിറച്ച ചുരുട്ടിൽ നിന്നും വരുന്ന പുകയാണ് ആ റൂമിൽ നിറഞ്ഞു പുറത്തേക്കൊഴുകുന്നത്…

 

“എടാ, എത്ര നേരമായി.. അവനിത് വരെ വന്നില്ലല്ലോ..” പാതി മറഞ്ഞ ബോധത്തിലും തങ്ങൾക്കു ഇന്ന് വന്നു ചേരുന്ന സ്വർഗ്ഗീയ സുഖത്തിന്റെ ഓർമയിൽ അജു അനസിനോട് ചോദിച്ചു…

 

“വരുന്നുണ്ടെന്നാണ് പറഞ്ഞത്..”

 

“അവളെ ഹോസ്റ്റലിൽ നിന്നും ചാടിച്ചു കൊണ്ട് വരണ്ടേ,.. നീ ഒന്ന് വെയിറ്റ് ചെയ്യ്..”

 

“അതെല്ലടാ ആ നാറി ഇനി ഒറ്റക്ക് തിന്നുമോ എന്നാണ് എന്റെ പേടി..”

 

“അങ്ങനെ അവൻ ചെയ്‍തൽ കല്ലായി പുഴയിലെ മീനുകൾക്കു തീറ്റ അവന്റെ കണ്ണുകളായിരിക്കും..”

 

❤❤❤

 

വില കൂടിയ ബൈക്കിന്റെ പൊട്ടി പൊട്ടിയുള്ള ശബ്ദം പുറത്തു നിന്നു റൂമിലേക്കു കയറി വന്നപ്പോൾ വളരെ പ്രതീകഷയോടെ കത്തുന്ന ലഹരിയിലും ആ പൊട്ടി പൊളിഞ്ഞ റൂമിന്റെ തകർന്ന വാതിലിന്റെ ഇടയിലൂടെ അവർ രണ്ടു പേരും പുറത്തേക്ക് നോക്കി..

 

രാജേഷ് അവരുടെ സ്വപ്ന സുന്ദരിയുടെ കൈകളിൽ കോർത്തു പിടിച്ചു കൊണ്ട് ആ വീടിനുള്ളിലേക്കു കയറി..

 

“ഏട്ടാ,.. എനിക്ക് പേടിയാവുന്നുണ്ട്.. നമുക്ക് മറ്റെങ്ങേട്ടെങ്കിലും പോകാം.. എനിക്ക് പേടിയാകുന്നു…”