നിയോഗം 2 Dark World Part XI (മാലാഖയുടെ കാമുകൻ) 1488

Part Xi

Cover courtesy- Anas Muhammad

നിയോഗം 2 Dark World Part 11

വളരെ പെട്ടന്നാണ് ലിസ മെറിനെ ഷൂട്ട് ചെയ്തത്..

അത് കണ്ട റാണ ലിസയെ നോക്കി ചിരിച്ചു.. അതിനു ശേഷം മെറിനെ നോക്കി.. ഒരു പുഞ്ചിരി അയാളുടെ ചുണ്ടിൽ ഉണ്ടായിരുന്നു..

മെറിന്റെ വലതു കയ്യിന്റെ മുകൾ ഭാഗത്താണ് വെടി കൊണ്ടത്..

അവൾ കൈ ചോര ഒഴുകുന്ന മുറിവിൽ പൊത്തി പിടിച്ചു വണ്ടിയുടെ ബോണറ്റിൽ നിന്നും എണീറ്റ് ലിസയെ അതിശയത്തോടെ നോക്കി..

“ലിസ…! വാട്ട് ദി? വൈ ഡിഡ് യു ഷോട്ട് മി?”

അവൾ വേദന കടിച്ചമർത്തി അലറുന്നത് പോലെ ചോദിച്ചു.

ലിസ അത് കേൾക്കാത്ത ഭാവം കാണിച്ചു റാണയെ നോക്കി.. റാണ അവളെ സമാധാനത്തോടെ നോക്കി..അയാൾക്ക് അയാൾ രക്ഷപെടും എന്ന തോന്നൽ വന്നു.

“നിനക്ക് രക്ഷപെടണോ റാണ?”

ലിസ റാണയോടു ഗൗരവത്തിൽ ചോദിച്ചു… റാണ ചിരിച്ചു…

“ലിസ.. യെസ്.. പ്ലീസ്‌.. എനിക്ക്.. ഞാൻ എന്തും തരാം.. എനിതിങ്.. സേവ് മി ലിസ….”

അയാൾ ലിസയെ നോക്കി പറഞ്ഞു.. അമ്പരന്നു നിൽക്കുന്ന മെറിനെ ഒന്ന് നോക്കി..

“ലിസ.. നീ നീ എന്നെ ചതിക്കുകയായിരുന്നോ?”

മെറിൻ ഒരു വിതുമ്പലോടെ ആണ് ചോദിച്ചത്… ലിസ അവളെ നോക്കി ചിരിച്ചു..

റാണയെ നോക്കി…

“നിന്നെ ഞാൻ രക്ഷിക്കാം റാണ… യു ആർ സേവ്ഡ്….”

ലിസ മെറിന്റെ തലക്ക് നേരെ പിസ്റ്റൾ ചൂണ്ടി.. മെറിൻ അവളെ ഒന്ന് നോക്കി.. അതിനു ശേഷം ഒരു പുഞ്ചിരിയോടെ കണ്ണടച്ച് നിന്നു. വിശ്വസിച്ചവൾ ചതിച്ചപ്പോൾ ഉണ്ടാക്കുന്ന ഒരു സങ്കടത്തിൽ..

അത് കണ്ടപ്പോൾ റാണ ചിരിച്ചു രണ്ടടി മുൻപോട്ട് വച്ചു.

“കിൽ ഹേർ.. കൊല്ല് അവളെ..അവൾ എന്നും എനിക്ക് പണി തന്നിട്ടേ ഉള്ളു…നിന്നോട് ഞാൻ ക്ഷമിച്ചു ലിസ… “

റാണ പകയോടെ അലറി…

“ഗോ റ്റു ഹെൽ….!”

ലിസ അത് പറഞ്ഞു മെറിന്റെ നേരെ പിടിച്ച പിസ്റ്റൾ തിരിച്ചു റാണയുടെ തലക്ക് നേരെ പിസ്റ്റൾ ചൂണ്ടി… അവൾ ഒരു ചിരി ചിരിച്ചു..

“ലിസ.. വാട്ട് ഈസ് ദിസ്? അവളെ കൊല്ലു…എന്നെ അല്ല…!”

അയാൾ വിറയലോടെ പുറകോട്ട് അല്പം മാറിക്കൊണ്ട് പറഞ്ഞു..

“നീ എന്നോട് ക്ഷമിച്ചു എന്നോ? ടു ലെഗ്ഗ്ഡ് സ്യൈൻ…! എങ്ങനെ ധൈര്യം വന്നു നിനക്ക് അത് പറയാൻ?”

അവൾ അത് പറഞ്ഞു പുഞ്ചിരിയോടെ അയാളെ കണ്ണടച്ച് കാണിച്ചു.. അതോടൊപ്പം വെടി പൊട്ടിച്ചതും ഒരുമിച്ചു ആയിരുന്നു…

റാണ അലരുന്നതിനു മുൻപേ ബുള്ളറ്റ് അയാളുടെ നെറ്റി തുളച്ചു പോയി.. റാണ ഒരു അനക്കവും ഇല്ലാതെ നിലത്തു വീണു…

അത് കണ്ടു മെറിൻ ഞെട്ടി ലിസയെ നോക്കി.. ലിസ അവളെ നോക്കി..

“ബൈ മെറിൻ…”

ലിസ അത് പറഞ്ഞു കൈ തിരിച്ചു പിസ്റ്റൾ സ്വന്തം നെറ്റിയിൽ വച്ചു.. അവളുടെ മുഖത്ത് പുഞ്ചിരി ആയിരുന്നു..

“ലിസ നോ…!”

മെറിൻ അത് കൈ നീട്ടി അത് പറഞ്ഞതും ലിസ സ്വന്തം നെറ്റിയിൽ ഷൂട്ട് ചെയ്തിരുന്നു… പോയിന്റ് ബ്ലാങ്ക് ഷൂട്ട്..!