നിർഭയം 4 [AK] 331

കമിഴ്ന്നു കിടക്കുന്ന അഹമ്മദിനെ അവന് കാണാൻ സാധിക്കുന്നുണ്ടായിരുന്നില്ല…

“അഹമ്മദ് എന്നാണ് ബഷീർ പറഞ്ഞത്… അവൻ കൊണ്ടുവന്നപ്പോൾ ഇവന്മാരെ പോലെ ഒക്കെ ആവുമെന്ന് കരുതി… അപ്പോ നായിന്റെ മോന് ഇവളെ രക്ഷിക്കാൻ പൂതി..”

മായയെ ചൂണ്ടിക്കാണിച്ചു കൊണ്ട് സുരേന്ദ്രൻ ഭായിയോടായി പറഞ്ഞു…
അപ്പോഴും ഒരു സംശയത്തിന്റെ പുറത്ത് നിൽക്കുവായിരുന്നു അവൻ….

“നീ അവനെ ഒന്ന് തിരിച്ചിട്….”

സുരേന്ദ്രൻ അവന്റെ നിർദ്ദേശനുസരണം അഹമ്മദിനേ തിരിച്ചു കിടത്തി… ഒരു ഞരക്കത്തോടെ തിരിഞ്ഞു കിടക്കുന്ന അഹമ്മദിനെ കണ്ട ഭായുടെ കണ്ണുകളിൽ ഞെട്ടൽ വ്യക്തമായിരുന്നു…. അവന്റെ ചുണ്ടുകൾ അഹമ്മദിനെ നോക്കി പറഞ്ഞു…

“ജുനൈദ് “

“ന്താ ഭായ്…”
ഒന്നും മനസ്സിലാവാതെ സുരേന്ദ്രൻ ഭായുടെ ഭാവമാറ്റങ്ങൾ ശ്രദ്ധിക്കുകയായിരുന്നു..

“എടാ ₹&%#*.. താനെന്ത് കോപ്പാണെടോ കരുതിയെ… ഇത് ജുനൈദ് ആണ്…. ജുനൈദ് അഹമ്മദ്‌… സബ് ഇൻസ്‌പെക്ടർ ജുനൈദ് അഹമ്മദ്‌…”

“അത്രേ ള്ളോ… എന്താണ് ഭായ് ഇത്… ഒരു പോലീസുകാരനും ഇങ്ങോട്ടു വരാൻ കഴിയില്ലെന്ന് അറിയില്ലേ…. ഇവനെ പിന്തുടർന്ന് വന്നാലും അവരുടെ ഒക്കെ അവസ്ഥ ഇത് തന്നെ ആവും… പുറത്ത് വെൽ ട്രെയിൻഡ് ആയിട്ടുള്ള അ..”

“ഫ്ഭ നിർത്തെടാ *#&-&#%% നിന്റെ അധികപ്രസംഗം… പറയുന്നത് കേട്ടോ നീ… ഇനി നാളത്തേക്ക് നോക്കണ്ട…. ഇപ്പോൾ തന്നെ.. ആസ് സൂണേസ് പോസ്സിബിൾ ഇവിടന്ന് പുറപ്പെടണം….പിന്നെ മോർ ഇമ്പോർടന്റ്ലി ഇവന്റെ തല മാത്രം…. നാളെ കമ്മിഷണർ ഓഫീസിൽ എത്തണം…..”