ചിലങ്ക

Author : ദേവദേവൻ

ആദ്യമായി എഴുതുന്ന കഥയാണ്. കഥയെഴുതി വലിയ ശീലം ഒന്നും ഇല്ല.  വായിച്ചത് അനുഭവമാക്കി എഴുതുന്നു.  തെറ്റുണ്ടെങ്കിൽ ക്ഷമിക്കണം. തിരുത്തലുകൾ ആവശ്യമെങ്കിൽ പറയണേ കൂട്ടുകാരെ. കഥ ഇഷ്ടമായെങ്കിൽ അല്ലെങ്കിൽ മോശമായെങ്കിൽ ഒരു വരിയെങ്കിലും എഴുതി അറിയിക്കണേ .
——————————————————————-

“നീയെന്തിനാ ഇങ്ങനെ നെഞ്ച് നീറ്റണത്? അവളും നീയും തമ്മിൽ ഇഷ്ടത്തിലൊന്നും അല്ലായിരുന്നല്ലോ? പിന്നെന്താ ? അവൾ പോട്ടെടാ . നിനക്ക് വേറെ നല്ല കുട്ടിയെ കിട്ടും “

കണ്ണാടിയുടെ മുന്നിൽ നിന്നാണ് എന്റെയീ പ്രസംഗം .
എന്നെത്തന്നെ പറഞ്ഞു പഠിപ്പിക്കാൻ ഒരു ശ്രെമം . അല്ലെങ്കിൽത്തന്നെ കൂട്ടുകാരും ഇതു തന്നെയാണ് പറയുന്നത് .
എന്നിട്ടും ഉൾക്കൊള്ളാനാവാതെ ഞാൻ വീണ്ടും എന്നെ കബളിപ്പിക്കാൻ ഒരു പാഴ്ശ്രെമം നടത്തി നോക്കി.
ഇല്ല പറ്റുന്നില്ല . നാവ് ചലിക്കുന്നതല്ലാതെ മനസ്സിന്റെ സാന്നിധ്യം  ആ വാക്കുകളിൽ ഇല്ലായിരുന്നു .
അത്രയേറെ ഇഷ്ടമായിരുന്നു എനിക്കവളെ.
എങ്ങനെ ഇഷ്ടപ്പെട്ടു എന്ന് ചോദിച്ചാൽ എനിക്കും വലിയ പിടിയുള്ള കാര്യമല്ല അത് .
പത്താം ക്ലാസ്സിൽ പഠിക്കുമ്പോഴാണ് ആദ്യമായി കാണുന്നത് . അല്ല അതിനു മുൻപും കണ്ടിട്ടുണ്ടാവാം . പക്ഷെ ആ കണ്ണുകളിൽ ഞാൻ എന്നെത്തന്നെ തേടിയത് അന്നായിരുന്നു .
ഒരു നോക്കെ നോക്കിയുള്ളൂ .പിന്നെ നോക്കാൻ ധൈര്യം കിട്ടിയില്ല .
ആ കണ്ണുകൾക്ക് എന്തോ മാന്ത്രികത ഉള്ളത് പോലെ .
ആ നോട്ടം എന്റെ ഹൃദയമിടിപ്പ് കൂട്ടുന്നു . എന്തിനെന്നറിയാതെ ഞാൻ വിയർക്കുന്നു . വിറയ്ക്കുന്നു. പെട്ടെന്ന് എന്റെ നോട്ടം പിൻവലിച്ചു പോയി .പക്ഷെ അവൾ അപ്പോഴും എന്റെ കണ്ണിൽത്തന്നെ നോക്കുകയാണ് . എനിക്ക് കാണാം അത് . വലിയ ജാടയിൽ അവളെ കടന്ന് മുന്നോട്ടു പോയി .

പിന്നീടുള്ള ദിവസങ്ങളിലും ആ നക്ഷത്ര കണ്ണുകളിൽ ചെന്ന് വീഴണം എന്ന് തോന്നി .
ഒരു നോക്ക് നോക്കും അവൾ നോക്കുമ്പോ ഞാനൊന്നും അറിഞ്ഞില്ലേ എന്ന മട്ടിൽ മുഖം തിരിക്കും . എന്നിട്ട് ഉള്ളിൽ ചിരിക്കും.
അവളെ കൊണ്ട് എന്നെ നോക്കിക്കുമ്പോൾ കിട്ടുന്നൊരു സുഖം . അതിന്റെ ലഹരിയിൽ തന്നെ നാളുകൾ കടന്നുപോയി .

Recent Stories

• ✮കൽക്കി࿐ (ഭാഗം – 39) വിച്ചു [ചെകുത്താനെ സ്നേഹിച്ച മാലാഖ ]
• 🌸__പവിഴവല്ലികൾ__🌸 [1] [𝓐𝓼𝓱𝔀𝓲𝓷𝓲 𝓚𝓾𝓶𝓪𝓪𝓻𝓪𝓷]
• ✮കൽക്കി࿐ (ഭാഗം – 38) വിച്ചു [ചെകുത്താനെ സ്നേഹിച്ച മാലാഖ ]
• മനസ്സിനക്കരെ (നൗഫു)
• ✮കൽക്കി࿐ (ഭാഗം – 37) വിച്ചു [ചെകുത്താനെ സ്നേഹിച്ച മാലാഖ ]