നിർഭയം 4 [AK] 331

സുരേന്ദ്രനെ മുഴുവനാക്കാൻ സമ്മതിക്കാതെ അവൻ ചോദിച്ചു കഴിഞ്ഞിരുന്നു…

അപ്പോഴേക്കും രണ്ടു പേർ മുന്നോട്ടു നീങ്ങി നിന്നിരുന്നു… അതിൽ ഒരുത്തന്റെ തോളിൽ കയ്യിട്ട് അവനെയും കൂട്ടി മുന്നോട്ട് നീങ്ങുന്ന ഭായിയെ ഇനിയെന്താണ് സംഭവിക്കാൻ പോകുന്നതെന്ന ഭാവത്തിൽ രണ്ടാമൻ നോക്കി നിൽക്കുന്നുണ്ടായിരുന്നു..

“ആാാ….. ആാാ…”

ഉറക്കെയുള്ള അവന്റെ നിലവിളി സുരേന്ദ്രനിൽ ഒരു ചിരിയുണർത്തിയപ്പോൾ രണ്ടാമന് എന്താണവിടെ സംഭവിക്കുന്നതെന്ന് മനസ്സിലായിരുന്നില്ല…
വാ പൊത്തിപ്പിടിച്ചുകൊണ്ട് ചോരയുമൊലിപ്പിച്ചു നിൽക്കുന്ന അവന്റെ മേലുള്ള പിടിത്തം വിട്ട് അവൻ രണ്ടാമനടുത്തേക്ക് നടന്നടുത്തു… അവന്റെ കൈ ബലമായി പിടിച്ചെടുത്ത് ആ കൈവെള്ളയിൽ വെച്ചു കൊടുത്ത സാധനം അവൻ വല്ലാത്തൊരു അവസ്ഥയോടെ നിലത്തിട്ടു….ആദ്യത്തവന്റെ നാവായിരുന്നു അത്‌….

ബാക്കിയുള്ളവരെല്ലാം ഇതിലുമെന്തോ വലുത് വരാനുണ്ടെന്ന മുഖഭാവത്തോടെ യാതൊരു ഭാവമാറ്റവുമില്ലാതെ നിൽക്കുന്നത് കണ്ടപ്പോൾ ഭായുടെ കണ്ണിലെ ക്രൂരത കാണാൻ പോകുന്നതേയുള്ളൂ എന്ന ധാരണ അവന് വന്നു കഴിഞ്ഞിരുന്നു…

സുരേന്ദ്രന്റെ അടയാളം ലഭിച്ചപ്പോൾ തന്നെ ചോരയുമൊലിപ്പിച്ചു നിൽക്കുന്ന ഒന്നാമനെ രണ്ടു പേർ ചേർന്ന് ഒരു മുറിക്കകത്തേക്ക് കൊണ്ടുപോയി… എന്നാൽ പെട്ടെന്നാണ് എന്തോ ആലോചിച്ചു തിരിഞ്ഞു നോക്കുന്ന ഭായിയെ സുരേന്ദ്രൻ ശ്രദ്ധിക്കുന്നത്…

“ന്താ ഭായ്…”

“ഏതവനാടോ ഈ കിടക്കുന്നെ…”