നിർഭയം 4 [AK] 331

അവന്റെ അക്കൗണ്ടിൽ ഇപ്പോൾ നിന്റെ വില കേറിയിട്ടുണ്ടാവും..പക്ഷെ ആ പൊട്ടനറിയില്ലല്ലോ അവന് ചിന്തിക്കാൻ പോലുമറിയാത്തതാണ് നിന്റെ മൂല്യമെന്ന്… ഹഹഹ…”

എല്ലാം കൈവിട്ട് പോയെന്ന് അവൾക്ക് മനസ്സിലാവുകയായിരുന്നു…

“എന്നെ.. എന്നെ ഒന്നും ചെയ്യരുത്..പ്ലീസ്….. എന്നെ… രക്ഷിക്കണം… ഞാൻ എങ്ങോട്ടേലും പൊക്കോളാം…”

കെട്ടിയിട്ട കൈകൾ കൂപ്പി കരഞ്ഞുകൊണ്ടവൾ പറഞ്ഞപ്പോൾ അവൻ ചിരിച്ചുകൊണ്ടിരുന്നു..

“ദേ പെണ്ണെ… ഇന്നും ഇന്നലേം തുടങ്ങിയ പണിയല്ല ഇത്… ഒരുപാട് പേരുടെ ഇതിലും ദയനീയമായ കരച്ചിൽ കേട്ടിട്ടുണ്ട്… പിന്നല്ലേ ഇത്…. പക്ഷെ ഒരു കാര്യം സമ്മതിച്ചുതരാതെ പറ്റില്ല…. നിന്റെ ഈ സൗന്ദര്യം…. പിന്നെ നിന്റെ ഈ സ്ട്രക്ചർ… മറ്റെവിടെയും ഞാൻ കണ്ടിട്ടില്ല…”

“ഛെ…”
അവളുടെ മുഖം അസ്വസ്ഥതയാൽ മുറുകി… ആ കണ്ണുകൾ നിറഞ്ഞുതുളുമ്പി…

“പക്ഷെ എന്തുചെയ്യാൻ… കണ്ട വിദേശികൾക്ക് രുചിച്ചുനോക്കാൻ നിന്നുകൊടുക്കാനാ നിന്റെ വിധി… മുംബൈയിലെ ഷെട്ടി ഗാങ്ങിനെ കുറിച്ച് കേട്ടിട്ടുണ്ടോ നീ..എവിടെ കേൾക്കാൻ….ഹഹ… അവരാണ് നിന്റെ ഡീൽ ഏറ്റെടുത്തിരിക്കുന്നത്…. ഹഹഹ..”

എല്ലാ പ്രതീക്ഷയും നഷ്ടപെട്ടത് പോലെ അവളിരിക്കുമ്പോൾ അവൻ അവളെ മയക്കാനുള്ള മരുന്ന് സിറിഞ്ചിൽ നിറക്കുകയായിരുന്നു…

“അപ്പൊ നാളെ ഉച്ചക്ക് നിന്നേം കൊണ്ട് മുബൈലേക്ക് തിരിക്കും… ഉണരുമ്പോൾ നീ ചെലപ്പോ കണ്ടെയ്നറിൽ ആവും… പേടിക്കണ്ട ട്ടോ… നിനക്ക് സ്പെഷ്യൽ കൺസിഡറേഷൻ ആണ്… ഹഹഹ…”

ബോധം മറയുമ്പോഴും നിറകണ്ണുകളോടെ ഒരു ദയക്കായി അവൾ കേഴുന്നുണ്ടായിരുന്നു…

*************************************

ഗുണ്ടകളിൽ ചിലരെങ്കിലും അഹമ്മദിന്റെ ഭാവമാറ്റത്തിൽ ഭയചകിതരായിരുന്നു…