നിർഭയം 4 [AK] 331

“ന്താടാ പാതിരാത്രി നാട്ടുകാരെ മുഴുവൻ ഉണർത്താൻ പ്രാന്ത് പിടിച്ചോ…വിളിച്ചു പറഞ്ഞതാണല്ലോ ഞാൻ ഇറങ്ങി വരാമെന്ന് “

“ഡാ കോപ്പേ… നിനക്ക് ഓൾഡ് ഗോഡൗൺ ഏതാണെന്നറിയാമോ… എയർപോർട്ട് റോഡിൽ.. “

എന്റെ മുഖഭാവം കണ്ടപ്പോൾ എന്തോ കാര്യമായി സംഭവിച്ചിട്ടുണ്ടെന്ന് അവന് മനസ്സിലായി…

“അമ്മ പോയികിടന്നോ… ഞങ്ങൾ ഒന്ന് ഇറങ്ങി വരാം… ഇവനൊന്നു പുഴവക്കത്തു പോണം ന്ന്… നാളെ രാവിലേ പോവുമല്ലോ…”

വീട്ടിലേക്ക് നോക്കി നന്ദൻ ഇതിനോടകം തന്നെ വിളിച്ചു പറഞ്ഞു കഴിഞ്ഞിരുന്നു…

“അതൊരു പഴയ കെട്ടിടം ആണെടാ… ഉപയോഗശൂന്യമായ സ്ഥലം…എന്താടാ..”

“പെട്ടെന്ന് വാ… എനിക്കവിടെ എത്തണം…”

പിന്നിൽ കയറിയിരുന്ന നന്ദനെയും കൊണ്ട് അങ്ങോട്ടേക്ക് സഞ്ചരിച്ചു… അവിടെ എത്തുന്നതിനു മുന്നേ തന്നെ വണ്ടി സൈഡ് ആക്കിയിരുന്നു…
പിന്നെ ഞങ്ങൾ പതിയെ മുന്നോട്ട് ചലിച്ചു…
അവിടെ നിന്നും പുറത്തേക്കിറങ്ങുന്ന ഒരു കറുത്ത ബെൻസ് അപ്പോഴാണ് ശ്രദ്ധയിൽ പെട്ടത്..

കുറച്ചു നേരം അവിടെ പതുങ്ങിയിരുന്നു…

അപ്പോഴായിരുന്നു ഗോഡൗണിനു മുന്നിലെ കാഴ്ച ഞങ്ങളെ ഞെട്ടിച്ചത്… പത്തുമുപ്പതോളം പെൺകുട്ടികളെ മാടുകളെ പിടിച്ചിടുന്ന പോലെ കണ്ടെയ്നറിലേക്ക് പിടിച്ചിടുന്നത്… ഗുണ്ട ലുക്കുള്ള ഒരു പത്തുപേർ ഉണ്ട്… പെൺകുട്ടികളെല്ലാം കുഴഞ്ഞു കൊണ്ടാണ്… അതിൽ നിന്നും അവർ പൂർണബോധാവസ്ഥയിലല്ലെന്ന് വ്യക്തം.. ചിലർ അതിനിടയിൽ അവരുടെ സ്വകാര്യഭാഗങ്ങളിൽ സ്പർശിക്കുന്നു… സഹിച്ചു നിൽക്കാൻ കഴിഞ്ഞില്ല… അപ്പോൾ തന്നെ എണീറ്റ എന്നെ നന്ദൻ തടഞ്ഞു…