നിഴൽക്കുത്ത്‌ [Shana] 150

അവൻ ഞെട്ടി അവളെ നോക്കി അത് മുഖത്ത് വ്യക്തമായി പ്രതിഫലിച്ചു പെട്ടന്ന് ധൈര്യം സംഭരിച്ചുകൊണ്ട് അവൻ പറഞ്ഞു

” നീ എന്നെ ജയിലിലടക്കാനോ ഹ ഹ.. നിനക്കറിയോ ഈ കൈകൾ പരിശുദ്ധമാണ് പാപക്കറ പുരളാത്ത കൈകൾ… എങ്കിൽ എന്റെ മനസ്സ് ചെകുത്താന് സമം ആണ് നിനക്കെന്നെ ഒരു ചുക്കും ചെയ്യാനാവില്ല… അവൾ എഴുതിവെച്ച തെളിവുകൾ എനിക്കെതിരെ എങ്ങനെ ആകും… അവൾ അങ്ങനെ ചെയ്തിട്ടുണ്ടെങ്കിൽ അവളുടെ വിവരമില്ലായ്മ അല്ലാതെ എന്റെ തെറ്റല്ല. ഞാൻ ആകെ പാത തെളിച്ചുകൊടുക്കുന്നെന്നെ ഉള്ളു അവരുടെ ആഗ്രഹങ്ങൾ സാധിക്കാനായി അല്ലാതെ ഞാൻ കൊന്നോ ഇല്ല ” അവൻ പൊട്ടിച്ചിരിച്ചു

“നീ പറഞ്ഞത് ശെരിയാണ് ഞാൻ എത്രപേരെയാണ് കൊന്നതെന്നറിയുമോ കൈകൾ കൊണ്ടല്ല വാക്കുകൾ കൊണ്ട് പതിയെ പതിയെ അവരെ മരണത്തിലേക്ക് കൊണ്ടുവരും എന്നിട്ട് അവരുടെ മരണവാർത്ത അറിഞ്ഞു ആനന്ദിക്കും അതിന്റെ ലഹരിയിൽ ഞാൻ ആഹ്ലാദിക്കും എനിക്കെതിരെ ഒരു തെളിവുപോലുമില്ല ഇനിയുണ്ടാകുകയുമില്ല നീ എന്നല്ല ആരുവിചാരിച്ചാലും എന്നെ കുടുക്കാൻ ആവില്ല ” അവന്റെ മുഖത്ത് പുച്ഛം വിരിഞ്ഞു നിന്നു

സ്വാതി ഒരുനിമിഷം അവനെ ഉറ്റുനോക്കി പിന്നെ പുഞ്ചിരിച്ചുകൊണ്ട് പറഞ്ഞു..

“പാർത്ഥ നിനക്കൊരു തെറ്റുപറ്റി ഒരിക്കലും പിടിക്കപ്പെടില്ലന്നു നീ കരുതിയതൊക്കെ വെറുതെയായിപ്പോയി. നിനക്കറിയോ ഈ കാൾ റെക്കോർഡഡ് ആണ് . നീ കട്ട്‌ ആക്കി പോയാൽ പോലും നിനക്കൊരു രക്ഷയില്ല കാരണം എല്ലാരേയും പോലല്ല ഞാൻ അമിത വിശ്വാസം നമ്മെ അപകടപ്പെടുത്തും എന്ന് നീ അറിഞ്ഞില്ലല്ലേ നീയിപ്പോൾ വിളിച്ചുപറഞ്ഞതൊക്കെയും ഇപ്പോ ഇതിൽ ഉണ്ട് നിന്നെ അഴികൾക്കുള്ളിൽ അടക്കുമെന്ന് എന്റെ ശ്രുതിക്ക് ഞാൻ കൊടുത്ത വാക്കാണ് അതെന്തായാലും ഞാൻ പാലിക്കും. ”

“നീ ഇത് കണ്ടോ ഈ ക്യാമറ നമ്മുടെ സംഭാഷണം എല്ലാം ഒപ്പുന്നുണ്ട് ലൈവ് ആയി അത് ഇപ്പോൾ പലരും കാണുന്നുണ്ട് നീ അറിഞ്ഞില്ലെന്ന് മാത്രം നിന്റെ വലയിൽ ഇനിയൊരു ജീവൻ പൊലിയാൻ ഞാൻ അനുവദിക്കില്ല. ”

പാർത്ഥന് ശ്വാസം നിലച്ചതുപോലെ തോന്നി അവന്റെ മനസ് ഭയമെന്ന വികാരത്തിന് അടിമപ്പെടാൻ തുടങ്ങി ദേഹം തളർന്ന് നിലം പതിക്കുമോ എന്നവൻ ഭയപ്പെട്ടു