നിഴൽക്കുത്ത്‌ [Shana] 150

“സ്വാതി നീ അവിവേകം കാണിക്കരുത് , ശരിയാണ് ഞാനാണ് എല്ലാത്തിനും തുടക്കമിട്ടത് ഒരാളെ മരണത്തിന്റെ വക്കിൽ എത്തിക്കുക എന്നുള്ളത് എനിക്ക് ഒരു ലഹരിയായിരുന്നു. പലരെയും ആത്മഹത്യയുടെ മുനമ്പത്ത് എത്തിച്ചു തിരിച്ചുകൊണ്ടുവരിക അതായിരുന്നു എന്റെ ലക്ഷ്യം അതിനായി ഞാൻ തിരച്ചിൽ നടത്തിയിട്ടുമുണ്ട്. നിന്നെപോലും ഞാൻ അങ്ങനെ ആണ് കൂടെ കൂട്ടിയത്. സ്വാതി മരണത്തെ പ്രണയിച്ചവൾ ആ ഐഡി അതായിരുന്നു നിന്നിലേക്കുള്ള എന്റെ പാത.. ”

“ഒരുപിടി ഓർമ്മകൾ ബാക്കിനിർത്തി
ഒരു യാത്രക്കായ് വന്നവൾ ഞാൻ
എൻ യാത്രയുടെ തേരു തളിക്കും
പ്രിയതമ നീ എവിടെ പോയ്മറഞ്ഞു
പ്രതീക്ഷയുടെ തിരിനാളം പേറി
നിനക്കായ്‌ കാത്തുനില്പ്പൂ ഞാൻ ”

“നീ മരണത്തെ മാടിവിളിച്ചു എഴുതിയിട്ട വരികൾ അതെന്നെ നിന്നിലേക്ക് കൂടുതൽ അടുപ്പിച്ചു ഇതുപോലെ എത്രയെത്ര വരികൾ …. പിന്നെ പതുക്കെ പതുക്കെ നിന്റെ വിശ്വാസം പിടിച്ചുപറ്റി. എല്ലാവരേയും പോലെ നിന്നിലും മരണത്തിന്റെ വിത്തുകൾ പാകിയിട്ടു അത് വളർന്നു പന്തലിച്ചപ്പോൾ വേരുകൾ പതിയെ അറുത്തു മാറ്റാൻ ശ്രമിച്ചു പക്ഷേ നിന്നിൽ അത് അറുത്തുമാറ്റാനാവാത്ത വിധം ആഴ്ന്നുപോയത് ഞാൻ അറിഞ്ഞില്ല..,