നിഴലായ് അരികെ 5

Author : ചെമ്പരത്തി

[ Previous Part ]

 

………… ഇത് ഞാൻ എഴുതിയതല്ല… “

“പിന്നെ എന്തിനാണ് പ്രിയാ കള്ളം പറഞ്ഞത് “ആര്യയുടെ പുരികം വളഞ്ഞു…

“മിസ്സേ…… ഞാൻ പറഞ്ഞത് കള്ളം അല്ല…… അത് വച്ചതു ഇതിനുള്ളിൽ തന്നെയാണ്……. പക്ഷെ മാറിയതെങ്ങനെ എന്ന് എനിക്കറിയില്ല……… “

ആര്യ വീണ്ടും നന്ദന്റെ ബുക്ക്‌ മറിച്ചു നോക്കി……. അവസാനം അതിനിടയിൽ അവൾ ഒരു കുഞ്ഞ് പേപ്പർ കണ്ടെത്തി……. അതിൽ ഇത്രമാത്രം എഴുതിയിരുന്നു……….

‘അറിയാതാഗ്രഹിച്ചതും, ഇപ്പോൾ ഈ ചെയ്യുന്നതും…..തെറ്റാണെന്നറിയാം……… പക്ഷെ എനിക്കിതല്ലാതെ വേറെ വഴിയില്ല…. എനിക്കിഷ്ടമാണ്.. എന്റെ ജീവനോളം….വെറുക്കരുത്….  മറക്കുവാനും പറയരുത്……. കഴിയില്ലെനിക്കൊരിക്കലും….. ‘

പ്രിയ

“തനിക്ക് ഇതിലും ചെറിയ പേപ്പർ ഒന്നും കിട്ടിയില്ലേ പ്രിയ??? “

ആര്യ, പരിഹാസരൂപേണ പ്രിയയെ ഒന്ന് നോക്കി….. “എന്തായാലും വഴിയേ വരുന്നത് താൻ തന്നെ മേടിച്ചോ…….. “

പെട്ടന്ന് മുഖം ഉയർത്തിയ പ്രിയയുടെ മുഖത്തു ഒരു പുഞ്ചിരി മിന്നി മാഞ്ഞു….. അത് കണ്ടു തിരിഞ്ഞു നോക്കിയ ആര്യ, നന്ദൻ ലൈബ്രറിയിലേക്ക് വരുന്നത് കണ്ടു പതിയെ എണീറ്റു…….

“നന്ദാ….. ഞാൻ ഒന്ന് പറയ…………”

നന്ദൻ ഒന്നും പറയണ്ട.. പുറത്തേക്കു പൊയ്ക്കോ എന്ന അർത്ഥത്തിൽ എന്ന അർത്ഥത്തിൽ കൈ കാണിച്ചു…..

ആര്യ,  പ്രിയയെ ഒന്ന് നോക്കിയിട്ട് മുഖം വെട്ടിതിരിച്ചു പുറത്തേക്കു നടന്നു…..

നന്ദൻ പതിയെ….. പ്രിയയുടെ നേർക്കു നടന്നു.  അവർ നന്ദനെ കണ്ടു ചാടി എണീറ്റു…… പ്രിയയുടെ മുഖം വീണ്ടും വിതുമ്പിപ്പൊട്ടി പെയ്യാറായ മാനം പോലെയായി….

               “നിരഞ്ജനാ താൻ…..പുറത്തേക്കു നിൽക്ക്  എനിക്ക് പ്രിയയോട് സംസാരിക്കണം.. “