നന്ദന 9 [ Rivana ] 168

“ ന്റെ കൃഷ്ണാ ഇതെന്തു ജീവി,,,, മനൂസ്‌ ഇക്കൂസ്‌ പോലും ഇങ്ങനെ ഒന്നും ആരേം തേക്കില്ല. നീ ഈ തേപ്പിസ്റ്റിനാണോ പഠിക്കാൻ പോയത് യെന്നെനിക്കൊരു സംശയം “ ഞാൻ അന്തം വിട്ടുകൊണ്ടവളോട് പറഞ്ഞു.

 

“ ഇതൊക്കെ എന്ത്,, അല്ല ആരാ ഈ മനൂസ്‌ ഇക്കൂസ്‌ “

“ ഹാ അതൊക്കെ ഞാൻ പിന്നീട് പറഞ്ഞു തരണ്ട്,, എന്നാലും നീ ഇത്രേം ഭീഗരി ആയെന്നറിഞ്ഞില്ല “

“ അതിനൊക്കൊ ഒരു കഴിവ് വേണം മോളെ അല്ലാതെ നിന്നേ പോലെ ഒളിഞ്ഞിരുന്നല്ല പ്രേമിക്കേണ്ടത് “

 

“ ആത്മാർത്ഥമായുള്ള പ്രണയം അറിയാത്തത് കൊണ്ടാണ് നീ ഇങ്ങനെ പറയുന്നത്, അതിനെ നേരിട്ട് അനുഭവിച്ച് അറിയുക തന്നെവേണം എന്നാലേ ഇപ്പോഴുള്ള നിന്റെ ഈ മനോഭാവം മാറത്തുള്ളു “ ഞാൻ കാര്യമായി തന്നേ പറഞ്ഞു.

 

“ ആ അതൊക്കെ പോട്ടെ നീ പിന്നെ ഇങ്ങോട്ട് വന്നതിന് ശേഷം അവനെ കാണുകയോ കോണ്ടാക്റ്റോ അങ്ങനെ ന്തെങ്കിലും ഉണ്ടായിരുന്നോ “

“ ഇടക്ക് വല്ലപ്പോഴും വിളിക്കും കാര്യങ്ങൾ അറിയും അത്രമാത്രം “

 

“ മ്മ്മ്,,, ന്നാലും നീ എന്നോട് പത്തിൽ പഠിക്കുമ്പോ ഒന്നും അവനെ ഇഷ്ടമുള്ള കാര്യം പറഞ്ഞില്ലല്ലോ “

 

“ അതിന് എനിക് അന്ന് ഒന്നും അവനോട് അങ്ങനെ ശരിക്കും ഉണ്ടാരുന്നില്ല പ്ലസ് വണ്ണിൽ ചേർന്നതിന് ശേഷമാ ഞാൻ അവനേ സ്നേഹിക്കാൻ തുടങ്ങിയെ “

 

“ ഒക്കെ ഒക്കെ,,, ഇപ്പൊ അവനെ കുറിച്ചു നിനക്ക് സങ്കടമോ വിഷമമോ ഒന്നുമില്ലല്ലോ “

“ ഇല്ലെടി സത്യമായിട്ടും എനിക്കിപ്പോ അവനോട് ഇഷ്ടമോ പഴയതൊന്നും തന്നെയില്ല, ഞാനിപ്പോ വളരെ ഹാപ്പിയാണ് “ ഞാൻ ചിരിച്ചു കൊണ്ട് പറഞ്ഞു.

 

“ അത് കേട്ടാൽ മതി എനിക്ക്, അവൻ പോയാൽ മറ്റൊരാൾ അത്രേ ഉള്ളെടി “

“ ഓരോ ചെരിപ്പും തേയുമ്പോ തേയുമ്പോ പുതിയത് വാങ്ങി ഇടുന്നത് പോലെ ഓരോ ആള് പോകുമ്പോ മറ്റൊരാളെ കേറി പ്രേമിക്കാൻ നിയല്ല ഞാൻ കേട്ടോടി തേപ്പും പലകേ “

 

“ ഓ,, “ ഞാൻ പറഞ്ഞത് ഇഷ്ട്ടം ആകാത്തത് പോലെ മുഖം ഒരുഭാഗത്തെക്കവൾ ചെരിച്ചു.

 

“ അല്ല രണ്ടു ദിവസം എന്താ പരിപാടി നമ്മടെ “ ഈ കാര്യത്തിൽ നിന്നും മാറ്റാൻ വേണ്ടി ഞാനവളോട് ചോദിച്ചു.

 

ഞാൻ അത് ചോദിച്ചപ്പോൾ അവൾ ചിരിച്ചു കൊണ്ടെന്നെ നോക്കി.

“ ഇന്ന് നമുക്ക് വീട്ടിൽ തന്നേ ആഘോഷിക്കാം, നാളെ നമുക്ക് ഏല്ലാവർക്കും കൂടെ പുറത്ത് പോകാം ഉപ്പക്കും നാളെ ലീവല്ലേ “ വളരെ സന്തോഷത്തോടെയാണവൾ എന്നോട് അത് പറഞ്ഞത്.

 

“ ആ ഒക്കെ, നമുക്കിത് അവരോടും പറയാം “

“ അതൊക്കെ കുറച്ചു കഴിഞ്ഞിട്ട് പറയാം, വയർ നിറച്ചു കഴിച്ചിട്ട് വീണ്ടും ഒറക്കം വരുന്നുണ്ട്. ഞാൻ ഒന്നും കൂടി കിടക്കട്ടെ കുറച്ചു കഴിഞ്ഞു എന്നേ വിളിക്ക് ട്ടാ “ അവൾ ബെഡിലേക് കിടന്ന് കൊണ്ടെന്നോട് പറഞ്ഞു.