ആമുഖം

എല്ലാവർക്കും നമസ്കാരം,

ആദ്യഭാഗത്തിനു നിങ്ങൾ തന്ന വിലയേറിയ അഭിപ്രായങ്ങൾക്കും ഹൃദയം ചുവപ്പിച്ചതിനും ഒരുപാട് നന്ദി. ആരും തന്നെ അംഗീകരിക്കില്ലെന്ന മുൻവിധിയോടെ ആണ് ഞാൻ ആദ്യഭാഗം സൈറ്റിൽ ഇട്ടത്, എന്നാൽ അതിനെ മറികടന്നു എന്റെ ആ കുത്തികുറിപ്പിന് നിങ്ങളു തന്ന പ്രചോദനം, അതാണ് എന്നെ വീണ്ടും എഴുതുവാൻ പ്രേരിപ്പിച്ചത്. തെറ്റുകൾ പരമാവധി വരാതിരിക്കുവാൻ ശ്രേമിച്ചിട്ടുണ്ട്. ഇതൊരു സാധാരണ വ്യക്തിയുടെ ജീവിത്തിലെ ചില ഏടുകളാണ്, പിന്നെ ഞാൻ ഒരു എഴുത്തുകാരൻ ഒന്നുമല്ല, അതുകൊണ്ട് ദയവായി അമിത പ്രതീക്ഷ നൽകി വായിക്കരുത്.

************************************************************

അറിയാതെ പറയാതെ 2

Author : ജെയ്സൻ

[ Previous Part ]

പുനലൂരിൽ നിന്നും ഇനി നേരിട്ട് ബസ് കിട്ടാൻ പാടാണ്. സന്ധ്യയായി, എന്തായാലും ഭാഗ്യത്തിന് കുറച്ചു കഴിഞ്ഞു ഒരു ലിമിറ്റഡ് സ്റ്റോപ് കിട്ടി അടൂരിനു. അതിൽ കയറി സീറ്റിൽ ഇരുന്നു ഒന്നു മയങ്ങി, അടൂരിൽ എത്തിയപ്പോൾ സമയം 8 ആയി. ഭാഗ്യത്തിന് ബസ് ഇറങ്ങിയപ്പോ തന്നെ സ്റ്റാൻഡിലേക്ക് ഒരു കോട്ടയം FP എത്തി, അതിൽ വലിഞ്ഞു കയറി സീറ്റ് ഒന്നും കാലിയില്ല,  നിന്നുകൊണ്ട് യാത്ര തുടർന്നു, പന്തളം എത്തിയപ്പോ അപ്പനെ വിളിച്ചുപറഞ്ഞു 9 :15 നു ഉള്ളിൽ തിരുവല്ല എത്തുമെന്ന്… അങ്ങനെ യാത്ര തുടർന്നു.

മനസ്സിൽ പല പല ചിന്തകളുമായി….

********************