നന്ദന 9 [ Rivana ] 168

“ ഉമ്മ എന്നേ ഇപ്പൊത്തന്നെ വിളിക്കണ്ടാട്ടൊ,, പിന്നേ നിങ്ങടെ ചെറിയ കുരിപ്പിനോട് എന്നേ വന്ന് ശല്യം ചെയ്യരുതെന്നും പറഞ്ഞേക്കണം “ ഉമ്മയെ നോക്കി അവൾ പറഞ്ഞിട്ട് റൂമിലേക്ക് നടന്നു.

 

“ ഉമ്മ നിങ്ങക്ക് റംഷി ഇന്ന് വരുന്ന കാര്യം അറിയാർന്നോ “ ഉമ്മ അവൾ വന്നത് വല്യ കാര്യമാക്കി യെടുക്കാത്തത് കൊണ്ട് ഞാൻ ചോദിച്ചു.

 

“ ഇന്ന് വരുന്ന് ഇന്നലെ എന്നോട് അവൾ പറഞ്ഞിരുന്നു “

“ എന്നിട്ട് ഉമ്മ എന്തേ അവൾ വരുന്ന കാര്യം ന്നോട് പറയാഞ്ഞെ “

 

“ അതവളെന്നോട് നിന്നോട് പറയരുതെന്ന് പറഞ്ഞിരുന്നു “ ഉമ്മ എന്നോട് ചെറിയ ചിരിയോടെ പറഞ്ഞു.

 

“ ദുഷ്ട്ട,,, ഞാൻ ഇനി ഉമ്മയോട് മിണ്ടില്ല “ ഞാൻ എന്റെ മുഖം വീർപ്പിച്ചു തെറ്റിയത് പോലെ മുഖം തിരിച്ചു.

 

“ നന്ദൂട്ടി അപ്പോളേക്കും പിണങ്ങിയോ,,, നന്ദൂന് ഒരു സർപ്രൈസ് ആയിക്കോട്ടേന്ന് വച്ചിട്ടല്ലേ പറയാതിരുന്നേ,, ഇനി ഉമ്മ ഒരു കാര്യവും മറച്ചു വക്കില്ല പോരെ “ ഉമ്മ എന്റെ കവിൾ പിടിച്ചു ഉമ്മയുടെ നേർക്ക്‌ ആക്കികൊണ്ട് പറഞ്ഞു.

 

“ ഉറപ്പല്ലേ ഇനി ചെയ്യില്ലല്ലോ “

“ ഇല്ല ചെയ്യില്ല “

 

“ എങ്കി ഇപ്പ്രാവശ്യത്തേക്ക് ക്ഷമിച്ചു,,, മ്മ് വരി നമുക്കെ നമ്മുടെ പണി തീർക്കാം “ ഞാൻ അതും പറഞ്ഞു പണിയിലേക്ക് തിരിഞ്ഞു.

 

കുറച്ചു കഴിഞ്ഞു കുളിയൊക്കെ കഴിഞ്ഞു പുറത്തുനിന്നും റയ ഉള്ളിലേക്ക് കടന്ന് വന്നു.

 

“ ആരെങ്കിലും ഇവിടെ വന്നോ ഉമ്മാ,, സംസാരൊക്കെ കേട്ടു ഞാൻ “ റയ ഉള്ളിലേക്കു കയറിയ പാടെ ചോദിച്ചു.

 

“ ആ അത്‌ നിന്റെ ഇത്തി രണ്ടൂസത്തിന് ലീവിന് വന്നിട്ടുണ്ട് “ ഞാനാണ് മറുപടി കൊടുത്തേ.

 

“ ആണോ എന്നിട്ടെവിടെ ഇത്തി “

 

“ അവൾക് അവിടെന്ന് യാത്ര ചെയ്തു വന്നതിന്റെ ക്ഷീണം ഉണ്ട്,, അതോണ്ട് അവൾ ഒന്ന് കിടക്കാൻ പോയതാ,,, ഇനി നീ പോയി അവളെ ശല്യ പെടുത്താൻ നിൽക്കണ്ട “ ഉമ്മ അവളോട് കാര്യമായി തന്നേ പറഞ്ഞു.

 

“ ഓ ആയിക്കോട്ടെ,,, നമ്മളാരേം ശല്യപ്പെടുത്താൻ പോണില്ലേ,,, ഇനി ശല്യപ്പെടുത്താൻ പോയിട്ട് ആരും ഇവിടെ വിഷമിക്കേണ്ട “ ഉമ്മ പറഞ്ഞത് തീരെ ഇഷ്ട്ടപെടാത്തത് പോലെ ചുണ്ടൊരു ഭാഗത്തേക്ക് കൊട്ടികൊണ്ടാണവൾ പറഞ്ഞത്.