ദൗത്യം 3 [ശിവശങ്കരൻ] 170

“എടാ… ദേവനന്ദ… ദേവേച്ചിയെ തിരക്കിയല്ലേ നീരജേട്ടൻ ഇറങ്ങിയത്… ചേച്ചി മരിച്ചുന്നല്ലേ മാഷ് പറഞ്ഞത്… പിന്നെ… എങ്ങനെ…”
അരുണിന്റെ മുഖത്ത് സംശയവും ഭീതിയും മാറി മറിഞ്ഞു…

“നിനക്കിതൊക്കെ അറിയാമോ…?”
അതിശയത്തോടെ ചന്തു അരുണിനെ നോക്കി…

“അത് മാത്രല്ലടാ… ഞാൻ ചാവാതിരിക്കാൻ കാരണം… നീരജേട്ടനാ…”

അത് പറയുമ്പോൾ അരുൺ വിറക്കുന്നുണ്ടായിരുന്നു…

“അതെങ്ങനെ…” ചന്തു പിന്നെയും സംശയം മാറാതെ ചോദിച്ചു…

“ഞാൻ കണ്ടു… നീരജേട്ടനെ… സംസാരിച്ചു… എന്നെ മരിക്കാനനുവദിക്കാതെ പിടിച്ചു നിർത്തിയത് നീ ഇപ്പൊ മരിച്ചുന്നു പറഞ്ഞ നീരജേട്ടനാടാ…”

ആ നേരത്ത് അവരിരുവരെയും തഴുകിക്കൊണ്ട് ഒരു ഇളംകാറ്റ് കടന്നുപോയി.