ദേവിപരിണയം

 

   Authors |രാവണസുരൻ & VIRUS

 

ഹലോ ഫ്രണ്ട്‌സ് ഞാനും രാവണസുരനും കുടി ചേർന്ന് എഴുതിയ ഒരു കുഞ്ഞി കഥയാണ്.. ഞങ്ങളുടെ ഒരു പരീക്ഷണം… ഇഷ്ടമായാൽ ആ വലത് വശം കാണുന്ന ഹൃദയം ഒന്ന് ചുവപ്പിച്ചേരെ.. കമന്റ്‌ ബോക്സിൽ എന്തേലും രണ്ടു വരി കുരിക്കണേ….

Edited by :zayed mazood

 

അപ്പൊ കഥയിലേക്ക് പോകാം

 

“‘ദേവൂ എടി ദേവൂ ഒന്ന് എഴുന്നേൽക്കെടി”‘.

 

“‘എന്താടാ കുരങ്ങാ വെളുപ്പങ്കാലം മനുഷ്യനെ ഉറങ്ങാനും സമ്മതിക്കില്ലേ”‘?

 

“‘വെളുപ്പങ്കാലമോ എടി പോത്തേ സമയം 7.30ആയി”‘.

 

“‘അതെന്നയ പറഞ്ഞെ നീ ഇത്രയും നേരത്തെ ഒരുങ്ങി കെട്ടി എങ്ങോട്ടാ പോകുന്നെ”‘?

 

“‘എടി ദ്രോഹി ഇന്നലെ തന്നെ ഞാൻ പറഞ്ഞതല്ലേ ഇന്ന് ഫ്രഷേഴ്‌സ് വരും അത്കൊണ്ട് നേരത്തെ പോകണം എന്ന്.”‘

 

“‘ഓ കോഴിക്ക് പുഷ്‌പ്പിക്കാൻ പോകാനാണല്ലേ ഇത്രയും ധൃതി”‘.

 

“‘കോഴി നിന്റെ തന്ത രാജേന്ദ്രൻ.. ഇവിടെ മനുഷ്യൻ ഏതെങ്കിലും കൊള്ളാവുന്ന ഒരെണ്ണത്തിനെ പ്രേമിക്കാൻ നോക്കുമ്പോ.”‘

 

“‘എന്റെ അച്ഛനെ പറയുന്നോടാ തെണ്ടി.!”‘ അതും പറഞ്ഞു കെട്ടിപിടിച്ചു കിടന്ന Teddy bear കൊണ്ട് അവന്റെ തലയ്ക്കിട്ട് തന്നെ ഒരെണ്ണം കൊടുത്തു.

 

“‘ഇപ്പൊ മനുഷ്യൻ ചത്തേനെ. നീ ഇതിനകത്ത് വല്ല അമ്മിക്കല്ലും വച്ചിട്ടുണ്ടോ? “‘അനന്ദു തലയും ഉഴിഞ്ഞു Teddy bear തപ്പി നോക്കി.

 

“‘എന്റെ പൊന്ന് ദേവൂട്ടി അല്ലേ ഒന്ന് റെഡി ആയി വാടി..”‘

 

“‘റെഡി ആയി വരാം പക്ഷെ എന്റെ ബ്രേക്ക്‌ഫാസ്റ്റ് നീ ഏറ്റോണം സമ്മതമാണോ?”‘

 

“‘പൊറോട്ടയും ബീഫ് പെരട്ടിയതുമല്ലേ അതൊക്കെ സെറ്റ് ആക്കാം നീ പെട്ടെന്ന് റെഡി ആയി വാ..”‘

 

“‘മ്മ് ശരി..”‘  അതും പറഞ്ഞു ടൗവലും  ഇടാനുള്ള ഡ്രെസ്സും എടുത്ത് ഞാൻ നേരെ ബാത്റൂമിലേക്ക് പോയി. ചെറു ചൂടുള്ള വെള്ളത്തിൽ ഒരു കുഞ്ഞ് കുളിയും പാസ്സാക്കി. കഴിഞ്ഞ പിറന്നാളിന് അനന്ദു വാങ്ങി തന്ന ഇളം നീല പാവാടയും ബ്ലൗസും ധരിച്ചു പുറത്തിറങ്ങി നേരെ കണ്ണാടിക്ക് മുന്നിൽ പോയി ഒന്ന് ഒരുങ്ങി.

 

“‘ടാ കുരങ്ങാ.. ആ ഇളം റോസ് കളർ ഹാഫ്സാരി ഇങ്ങേടുത്തെ.”‘

 

അവൻ അത് എടുത്ത് കയ്യിൽ തന്നതോടൊപ്പം വിളിച്ചു..  “‘ദേവു …”‘