ദി സൂപ്പർഹീറോ [Santa] 146

മിന്നൽപിണറിന്റെ വലിയശബ്ദവും ഒരു മനുഷ്യന്റെ നിലവിളിയും കേട്ട് അവൾ കണ്ണുകൾ പതിയെ തുറന്നു. തന്റെ മുൻപിൽ നിന്ന കൂട്ടത്തിലെ ആ പ്രധാനി നിലത്തുകിടക്കുന്നു. ഒരു വലിയ വെളിച്ചം അവിടെയാകെ പരന്നിരിക്കുന്നു. കിടക്കുന്നയാളുടെ കണ്ണിൽ നിന്നും ചോരയോലിക്കുന്നതും അയാൾ വേദന കൊണ്ട് ഞെരിപ്പിരികൊള്ളുന്നതും ഒപ്പം കൂടിയവർ തന്റെ മുകളിലേക്ക് ഭയപ്പാടോടെ നോക്കി നിൽക്കുന്നതും അവൾ അതിശയത്തോടെ കണ്ടു.

ഷഹാന പതിയെ ധൈര്യം മുഴുവൻ സംഭരിച്ച് പുറകിലേക്ക് പതിയെ തല തിരിച്ചു മുകളിലേക്ക് നോക്കി.അവളുടെ കണ്ണുകൾ ആശ്ചര്യം കൊണ്ട് വിടർന്നു. തന്റെ നേത്രങ്ങളെ ഷഹാനക്ക് വിശ്വസിക്കുവാൻ പറ്റുന്നുണ്ടായില്ല. ചുറ്റിനും തീയുമായി ഒരു പക്ഷിയുടെ രൂപം. അതിൽ നിന്നും പ്രവഹിക്കുന്ന അതിതീവ്രമായ വെളിച്ചം.

തന്റെ കണ്ണുകൾ താന്നെ മങ്ങി തുടങ്ങുന്നതായി അവൾ അറിഞ്ഞു. ആ വെളിച്ചം അവളുടെ നേർക്കു വരുന്നതായി ഒരു മൂടലോടെ അവൾ കണ്ടു.അവളുടെ കൈയ്യിൽ നിന്നും അറിയാതെ ആ പേഴ്സ് താഴേക്ക് വീണു. അതിനൊപ്പം അവളും താഴേക്ക് ബോധംമറഞ്ഞു വീണു.

******************

ശിവ ശിവ മഹേശാ  ശംഭോ

ശ്രീനീലകണ്ഠാ…

ശിവപാദം   വണങ്ങിടുന്നേൻ…

ശിവ ശിവ മഹേശാ  ശംഭോ

ശ്രീനീലകണ്ഠാ…