ദക്ഷാർജ്ജുനം 3 [Smera lakshmi] 177

അവൻ അമ്മയെ ഒന്നു കനപ്പിച്ചു നോക്കി.

 

എന്റെ മരുമകൾ ലക്ഷ്മിയാ…

 നിന്റെ പെണ്ണായി ഈ  വീട്ടിൽ വലതുകാൽ വച്ച് കയറാൻ പോകുന്ന  മഹാലക്ഷ്മി..

 

അവൾ മതി.

 

 സീത ആനന്ദിന്റെ കവിളിൽ ഒന്നു തലോടിയിട്ട് പറഞ്ഞു..

 

സമയം ഒരുപാടായി ഇതുവരെ മോനൊന്നും കഴിച്ചില്ലല്ലോ താഴേക്ക്‌ വാ അമ്മ കഴിക്കാൻ എടുത്തു വെക്കാം.

 

സീത മുറിവിട്ടിറങ്ങി..

 

ആനന്ദ് അമ്മ പോകുന്നതും നോക്കി ചിരിയോടെ അവിടെ ഇരുന്നു.

 

ദിവസങ്ങൾ പലതും കഴിഞ്ഞു…

 

ഒരു രാത്രി നാഗക്കാവിനെ പറ്റിയുള്ള കഥകൾ അറിയണമെന്ന് മഹാലക്ഷ്മി അമ്മയോട് പറഞ്ഞു.

 

നടക്കില്ലെന്നു പറഞ്ഞെങ്കിലും അവളുടെ വാശിക്ക് മുൻപിൽ എന്നത്തേയും പോലെ വസുന്ധരാമ്മ സമ്മതിച്ചു.

 

അപ്പോളേക്കും മഹാലക്ഷ്മിയുടെ

അച്ഛനും സഹോദരന്മാരും കുടുംബവും കഥ കേൾക്കാൻ വന്നിരുന്നു.

 

വസുന്ധര ദേവി കഥ പറഞ്ഞു തുടങ്ങി.

 

 പത്തുമുപ്പതു വർഷം മുൻപ് നടന്നതാണിത്.

 

അന്നത്തെ പേരുകേട്ട തറവാട്ടുക്കാരാണ് ഈശ്വരമംഗലം എന്ന നമ്മുടെ ഈ മനയും നാഗമഠത്ത് ഇല്ലവും.

 

രണ്ടു തറവാട്ടുക്കാരും പണ്ടുമുതലേ ശത്രുക്കളായിരുന്നു.