ദക്ഷാർജ്ജുനം 12 [Smera lakshmi] 216

 ഇവനെന്തൊക്കെയാണ് പറയുന്നത് നരേന്ദ്രൻ പറയുന്നത് കേട്ട് കൃഷ്ണൻ വിശ്വാസം വരാത്ത മട്ടിൽ  ഭാര്യയെ ഒന്നു നോക്കി .

 

“ഈ ഫ്ലാറ്റിലെ എല്ലാവരും  ഇതറിഞ്ഞിട്ടുണ്ട്. Security  മൂർത്തിയാ വിവരം അറിയിച്ചത്.”

 

ഗീതയും മോളും കരഞ്ഞു തളർന്നു കിടക്കാ….ഞാൻ അവരുടെ അടുത്ത് നിന്നും വന്നതേയുള്ളൂ.

നിങ്ങൾ വേഗം ഒന്ന് താഴേക്ക് ചെല്ല്.

പോലീസ് ഇപ്പോൾ വരും.

ഞാൻ ഗീതയുടെ  ഗീതയുടെ അടുത്തേക്ക്  ചെല്ലട്ടെ.

 

യമുന അതും പറഞ്ഞ് പുറത്തേക്കിറങ്ങി.

അപ്പോൾ കൃഷ്ണൻ അവളെ പിടിച്ചുനിർത്തി.

 

“യമുനേ നീയെന്താ പറയുന്നത് എന്റെ വിശ്വൻ താഴെ വീണു കിടക്കുന്നെന്നോ?

ഇതൊക്കെ എപ്പോ സംഭവിച്ചു?

ഇല്ല… നിങ്ങൾക്ക് ആളു മാറിയതായിരിക്കും.”

 

കൃഷ്ണൻ വിശ്വാസം വരാതെ തലയിളക്കി.

 

“നിങ്ങളിതൊക്കെ എങ്ങനെ അറിയാനാ മനുഷ്യാ മൂക്കറ്റം കുടിച്ച് കാലുകൾ നിലത്തുറയ്ക്കാതെ ഇന്നലെ വന്നപാടെ ബെഡിലേക്ക് വീണതല്ലേ….”

“പിന്നെ ഇപ്പോഴല്ലേ കണ്ണുകൾ തുറക്കുന്നത്.

പിന്നെ ഇവിടെ നടക്കുന്നത് വല്ലോം അറിയോ?”

 

ഞാൻ വിവരം അറിഞ്ഞപ്പോൾ നിങ്ങളെ ഒരുപാട് വിളിച്ചതാ….നിങ്ങൾ എഴുന്നേൽക്കാത്തതു കാണാത്തപ്പോൾ ഞാൻ ഗീതയുടെ അടുത്തേക്ക് പോയത്.

നരേട്ടനേയും വിളിച്ച് അങ്ങോട്ട് ചെല്ല്.

 

അതും പറഞ്ഞ് യമുന അയാളെ രൂക്ഷമായി നോക്കിക്കൊണ്ട് ഗീതയ്ക്കരികിലേക്ക് പോയി.

 

“അപ്പോഴേക്കും പോലീസ് വാഹനത്തിന്റെ സൈറൺ കേട്ടു.”

കൃഷ്ണൻ നരേന്ദ്രനേയും വിളിച്ച് വേഗം താഴേക്ക് ഇറങ്ങി ചെന്നു.