ഡെറിക് എബ്രഹാം 7 [അഹമ്മദ് ശഫീഖ് ചെറുകുന്ന്] 247

നീ മാത്രമല്ല അവരെ സ്നേഹിച്ചത്….ഞങ്ങളുടെയും എല്ലാമെല്ലാമായിരുന്നു അവരൊക്കെ…
അവിടെയുള്ള ഓരോ പോലീസുകാരനും നിന്റെ അഭ്യാസം കണ്ടിട്ട് മിണ്ടാതെയിരുന്നത് നിന്നെ പേടിച്ചിട്ടാണെന്ന് വിചാരിക്കരുത്..നിന്റെ ചേച്ചിക്ക് കൊടുക്കുന്ന സ്നേഹമാണ് , ബഹുമാനമാണ് അവിടെ കണ്ടത്…”

“അറിയാം അങ്കിൾ.. എല്ലാം അറിയാം….. പക്ഷേ, ഇതൊന്നും പോരാതെ വരുന്നു എനിക്കെന്റെ മനസ്സിനെ സമാധാനിപ്പിക്കാൻ ”

എന്നും പറഞ്ഞു കൊണ്ട് അവൻ മുഖവും പൊത്തിക്കരഞ്ഞു..

“ടാ….ആദീ…
നീ വാ…കാറിലേക്ക് കയറ്….നമുക്കൊരിടം വരെ പോയി വരാം…. ”

“അങ്കിൾ…. ഇപ്പൊ വീട്ടിലേക്ക് പോകേണ്ട… എന്തെങ്കിലും അറിയാതെ വീട്ടിലേക്ക് പോകാനാവില്ല ”

“വീട്ടിലേക്കല്ല….CM നിന്നെയും കൂട്ടി ചെല്ലാൻ പറഞ്ഞിട്ടുണ്ട്… അദ്ദേഹത്തിന് നിന്നെ കാണണമെന്ന് പറഞ്ഞു…”

“എന്നെയോ…. അതെന്തിന്….? ”

“നമുക്കൊന്ന് പോയി നോക്കാം….”

അവർ വണ്ടിയിൽ കയറി…. ഡ്രൈവർ വണ്ടിയെടുത്തു….

” അങ്കിൾ….എന്റെ മക്കൾ എന്നെ അന്വേഷിച്ചോ….? ”

“ഓഹ്… അങ്ങനെയുള്ള ബോധമൊക്കെയുണ്ടോ നിനക്ക്..? എന്നിട്ടാണോ അതിറ്റിങ്ങളെ തനിച്ചാക്കി രാവിലെ തന്നെ ഇങ്ങോട്ട് കെട്ടിയെടുത്തത്..”