ഡെറിക് എബ്രഹാം 7 [അഹമ്മദ് ശഫീഖ് ചെറുകുന്ന്] 247

“എന്താ രവീ ഇത്… നീയെങ്ങനെയാ അവനെ ഇങ്ങനെ വിളയാടാൻ അനുവദിച്ചത്….?
പോലീസുകാരെ തല്ലാനും നിങ്ങളവന് ലൈസൻസ് കൊടുത്തോ.? ”

“അതല്ല സാർ…. നമുക്കെല്ലാവർക്കും അറിയുന്നതല്ലേ…ആദിക്ക് മാഡത്തോടുള്ള സ്നേഹം….മറുത്തൊന്നും പറയേണ്ട എന്ന് വിചാരിച്ചു മിണ്ടാതിരുന്നതാ…. അപ്പൊ, ദാ…ഇയാൾ ചുമ്മാ അവനെ ചൊറിയാൻ പോയതാണ് ഇങ്ങനെയൊക്കെയുണ്ടാവാൻ കാരണം ”

എന്നും പറഞ്ഞു കൊണ്ട് രവി അവിടെ ഒരു ചുമരിൽ അടിയേറ്റ് ചാഞ്ഞിരിക്കുന്ന ജോർജിനെ പുച്ഛത്തോടെയൊന്ന് നോക്കി….

“അലക്സേട്ടൻ എവിടെ..?
ചേട്ടനുണ്ടെങ്കിൽ അവനിങ്ങനെയൊന്നും ചെയ്യില്ലല്ലോ….? ”

“സി.ഐ സാർ ഇന്നും ലീവാണ്….വന്നില്ല ”

കോൺസ്റ്റബിൾ ജോർജിന് എവിടുന്നൊക്കെയോ കിളി പറന്നു പോയ അവസ്ഥയായിരുന്നു…അയാൾക്ക് വേദന കൊണ്ട് എഴുന്നേൽക്കാൻ പറ്റുന്നുണ്ടായിരുന്നില്ല…
അയാളെ അധികം ശ്രദ്ധിക്കാതെ മധു പുറത്തേക്ക് പോയി…
മധു എംഎൽഎ പോയി എന്നുറപ്പായപ്പോൾ ജോർജ് മെല്ലെ എണീറ്റ് എസ്. ഐ രവിയുടെ അടുത്തേക്ക് പോയി…

“രവി സാർ… അപ്പോൾ എന്നെ ഇങ്ങനെയൊക്കെ തല്ലിച്ചതച്ച അവനെതിരെ ഒരു ആക്ഷനും എടുക്കുന്നില്ലേ ? ”

“എന്തിന്…. തന്നോടാരാ അവനെ പോയി ചൊറിയാൻ പറഞ്ഞത് ? ”

“പോലീസ് സ്റ്റേഷനിൽ വന്നിട്ട് ഡയലോഗ് അടിക്കുന്നത് , കേട്ട് നിൽക്കണമെന്നാണോ സാർ പറയുന്നത് ”

“ഇവിടെ ഇത്ര പോലീസുകാരുണ്ടായിട്ടും അവരൊന്നും മിണ്ടീല്ലല്ലോ….
പോട്ടെ, എനിക്ക് പോലും പ്രശ്നമില്ല…
പിന്നെ എന്തിനാടോ ഇന്നലെ വന്ന താൻ അവന്റെ മേൽ ചാടിക്കയറിയത്….