ജോക്കർ [ആൽബി] 1094

അതെ, കോമാളി ആയിരുന്നു ഞാൻ.ചീട്ടുകൾക്കിടയിൽ ഇരിക്കുമ്പോൾ മാത്രം വിലയുള്ള  വെറും ജോക്കർ. കോമാളി കരയുന്നത് ആരും കണ്ടിട്ടില്ല നീയൊഴികെ.

ഡാ അന്തോണി,എന്താടാ ഇത്. ഇന്ന് ഈ കോമളിക്ക് വിലയുണ്ട് എന്നവൾ മനസ്സിലാക്കണം. നീ ജീവിതത്തിൽ തോറ്റിട്ടില്ല എന്നവനും. സൊ നമ്മൾ ഇന്ന് പോകുന്നു. ഒക്കെ. വേഗം റെഡി ആയി വാ ഇതും ഇട്ടോണ്ട് അവൾ ഒരു കവർ ബെഡിലേക്ക് ഇട്ടു. എന്നിട്ടവനെ ഉന്തി ബാത്‌റൂമിൽ കയറ്റി.

ബ്രേക്ക്‌ ഫാസ്റ്റ് കഴിച്ച്, അവളുടെ കാറിൽ മഞ്ഞുമ്മൽ എത്തി. അവിടെ മർത്ത മറിയം പള്ളിയിൽ പിറകിലായി അവർ സ്ഥാനം പിടിച്ചു. ഇടക്ക് ചിലർ തിരിഞ്ഞു നോക്കുന്നുണ്ട്.പഴയ ചില പരിചിതരും ഉണ്ട്. ബ്ലാക്ക് പാന്റ്സും ബ്ലു ഷർട്ടും ഇൻ ചെയ്ത് ഒരു കോട്ടും ധരിച്ചു ആന്റണിയും റെഡ് ഫ്രോക്കിൽ സാന്ദ്രയും നിറഞ്ഞുനിന്നു.

ചടങ്ങുകൾക്ക് ശേഷം അവർ ഹാളിന്റെ നടുവിലൂടെ സ്റ്റേജിലേക്ക് നടന്നു. സ്റ്റേജിൽ മധുരം വയ്പ്പ് കഴിഞ്ഞ് അവരുടെ പഴയ സുഹൃത്തുക്കൾക്കപ്പം ഫോട്ടോ സെഷൻ മുന്നേറുന്നു. അവർ നടന്നടുക്കുമ്പോൾ ശ്രദ്ധ അവരിലേക്ക് എത്തപ്പെട്ടു. ഒടുവിൽ അവർ വിമലിനും ബിയക്കും അരികിൽ എത്തി.

വിഷ് യൂ എ ഹാപ്പി മാരീഡ് ലൈഫ്. ആന്റണി ഒരു വള അവൾക്കും ഒരു മോതിരം വിമലിനും ഇട്ടു. (ഇതൊക്കെ സാന്ദ്രയുടെ പണിയാട്ടോ).ചുറ്റുമുള്ള പഴയ സുഹൃത്തുക്കൾ ഒന്നും മനസ്സിലാവാതെ ചുറ്റും നോക്കി.

സാന്ദ്രയും വിഷ് ചെയ്തു. അവൾ ആര് എന്ന് മനസ്സിലാവാതെ വിമലും ബിയയും.

ഓഹ്, മനസിലായില്ല അല്ലെ. സോറി ബിയ. സോറി വിമൽ. ഞാൻ ഡോക്ടർ സാന്ദ്ര ചെറിയാൻ. ഇപ്പൊ ഇവിടെ കൊച്ചി ആസ്റ്ററിൽ പീഡിയാട്രിക് ഡിപ്പാർട്മെന്റിൽ കാൻസൽടെന്റ് ആയി ജോയിൻ ചെയ്തു. ഇത് ആന്റണി അറിയാല്ലോ അല്ലെ.അവിടെ തന്നെ ക്വാളിറ്റി ഹെഡ് ആണ്. നിങ്ങൾ വർക്ക്‌ ചെയ്ത ഹോസ്പിറ്റലിൽ ഞാൻ കുറച്ചുനാൾ ഉണ്ടായിരുന്നു,നിങ്ങൾ അവിടം വിട്ടശേഷം. ഇവരിൽ കുറച്ചുപേർ എങ്കിലും എന്നെ അറിയും. പിന്നെ ഒന്നുടെ ഇതെന്റെ വൂട്ബി ആട്ടോ. വി ആർ ഗേറ്റിങ് മാരീഡ് ഓൺ നെക്സ്റ്റ് 27.സൊ രണ്ടാളും എത്തിയേക്കണം തലേന്ന് തന്നെ.നിങ്ങൾ എല്ലാവരും ഉണ്ടാവണം. അതും പറഞ്ഞവൾ വെഡിങ് കാർഡ് അവർക്ക് കൊടുത്തു.

അവർ തിരിഞ്ഞു നടക്കുമ്പോൾ അവർക്ക് ഒരു ഞെട്ടലോടെ അവരെ നോക്കി നിൽക്കാനേ കഴിഞ്ഞുള്ളു.ഒപ്പം മറ്റുള്ളവർക്കും.  അവിടെനിന്നും സാന്ദ്രയോടൊപ്പം മടങ്ങുമ്പോൾ ഡ്രൈവിങിനിടയിലും അവൻ അവളുടെ കൈ കോർത്തുപിടിച്ചു. ഒരു കോമാളിക്കും വിലയുണ്ടെന്ന് അവർക്ക് തെളിയിച്ചു കൊടുത്തതിനു ഒരു ചുംബനം അവളുടെ കയ്യിൽ പകർന്നു അവൻ. ഒപ്പം അവളുടെ ചുണ്ടിൽ ഒരു ചിരിയും വിരിഞ്ഞു.

അതെ തിരിച്ചുള്ള യാത്രയിൽ അവൻ ഓർത്തു ആദ്യമായി അവൾ അവനോട് പറഞ്ഞ വാക്കുകൾ “ഡോണ്ട് റിഗ്രെറ്റ് ദി പാസ്ററ് ബട്ട്‌ റിഗ്രെറ്റ് ദി ടൈം യൂ ഹാവ് ടു സ്പെൻഡ്‌ വിത്ത്‌ റോങ്ങ്‌ പീപ്പിൾ”…•

???ശുഭം???