ജോക്കർ [ആൽബി] 1094

ഡീ വേശ്യക്ക് നിന്നിലും അന്തസ്സ് കാണും.പിന്നെ സ്നേഹിച്ചു ചതിച്ചതിന് കാലം നിന്നോട് കണക്ക് ചോദിക്കും. നമിത് ആയിരുന്നു.

ഞാൻ ആരെയും സ്നേഹിച്ചു ചതിച്ചിട്ടില്ല. അതിന് ഞാൻ ആന്റണിയെ സ്നേഹിച്ചിട്ടേയില്ല. എല്ലാം ഒരു അഭിനയം മാത്രം. ഞാൻ ഒരാളെയേ സ്നേഹിച്ചിട്ടുള്ളു. ഇവനെ, ഈ വിമലിനെ.എനിക്ക് സ്വപ്നം കാണാൻ പറ്റാത്ത ഒരു ബന്ധം ആണിത്.
സൊ വൈ ഷുഡ് ഐ ചൂസ് യൂ.അതുകൊണ്ട് എനിക്ക് ഒരു തടസമായി ഇനി ആന്റണി ഉണ്ടാവാൻ പാടില്ല.

ഡാ ആന്റണി, നീയിങ്ങു വന്നേ.അതുവരെ നിശ്ശബ്ദനായിരുന്ന വിമൽ സംസാരിച്ചു തുടങ്ങി. കാര്യം നിന്റെ ചാൻസ് നീ അവൾക്ക് വിട്ടുകൊടുത്തത് ഒക്കെ ശരി. പക്ഷെ അത്‌ അവൾക്കും ആവശ്യം ആയിരുന്നു.അല്ല ഞങ്ങളുടെ ആവശ്യം ആയിരുന്നു.കാരണം ഞങ്ങൾ നാളുകളായി അടുപ്പത്തിലാ. എന്റെ ഫാമിലി ഓസ്ട്രേലിയ സെറ്റിൽടും.പിന്നെ എനിക്ക് ഇവളെ കിട്ടണമെങ്കിൽ ഇവൾക്ക് അവിടെ നല്ലൊരു പ്ലേസ്മെന്റ് വേണാരുന്നു.അതാരുന്നു വീട്ടുകാരുടെ മിനിമം ഡിമാൻഡ്. അപ്പോഴാ നീയിവിടെ വരുന്നതും.ആ ഓസ്‌ട്രേലിയൻ ഫിർമിലേക്ക് ഷോർട്ലിസ്റ്റ് ചെയ്ത രണ്ടുപേരിൽ ഒരാൾ നീയാണെന്നറിയുന്നതും.സൊ നിന്നെ ഒഴിവാക്കാൻ ആണ് ഇവൾ അഭിനയിച്ചു ഫലിപ്പിച്ചതും.ഇനി ഞങ്ങൾ സ്വപ്നം കണ്ട നാളുകൾ ആണ്. മനസ്സിലായല്ലോ ആന്റണി.സോറി ഫോർ എവെരിതിങ് ആൻഡ് താങ്ക്സ് ഫോർ എവെരിതിങ്.

പിന്നെ ആന്റണി, ഞാൻ ഇവിടുന്നു പോയശേഷം നിന്നെ സാവധാനം ഒഴിവാക്കാം എന്നാ കരുതിയെ.പക്ഷെ നീ അറിഞ്ഞ സ്ഥിതിക്ക് എന്ത് ചെയ്യാൻ പറ്റും. പിന്നെ എന്റെ അനുജന്റെ ഫ്യൂച്ചറിനും ഇതല്ലേ നല്ലത്.സൊ,നീ ഇനി എനിക്ക് വിലങ്ങുതടി ആവരുത്.ഗുഡ് ബൈ. അവർ തിരിഞ്ഞുനടന്നു.

അവർ പോകുന്നതും നോക്കി ചങ്കു തകർന്നു നിന്നു അവൻ. എന്തോ പറയാൻ തുടങ്ങിയ നമിത്തിന്റെ കൈകളിൽ അവൻ ബലമായി പിടിച്ചു.അവനോട് എന്ത് പറയണം എന്നറിയാതെ അയാൾ കുഴങ്ങി. പോകുമ്പോൾ അവനെയും നമിത് ഒപ്പം കൂട്ടി.അവനെക്കുറിച്ചു ഒരു ഭയം ഉടലെടുത്തിരുന്നു.

വിമലും ബിയയും വൈകാതെ തന്നെ ഹോസ്പിറ്റലിൽ നിന്നും റിസൈൻ ചെയ്തു. ഓസ്ട്രേലിയയിൽ പി ആർ ഉള്ള വിമലിനു അവിടെ ജോബ് ഒരു പ്രോബ്ലെം ആയില്ല. അവനൊപ്പം ബിയയും കടൽ കടന്നു.അവർ പോകുന്നതുവരെയും അവർതമ്മിൽ മുഖാമുഖം വരാതെ നോക്കി നമിത്. ശരിക്കും ആന്റണിയുടെ ഒരു നിഴൽ.
……
അവന്റെ ഓർമകളെ ഖണ്ഡിച്ചുകൊണ്ട് ഫോൺ റിങ് ചെയ്തു.ഫോൺ എടുത്തു നോക്കിയെങ്കിലും അതുപോലെ തിരിച്ചുവച്ചു.വീണ്ടും മണി മുഴങ്ങി. അവനത്‌ ഓഫ്‌ ചെയ്ത് വച്ചു.

ഡാ……..,ഉച്ചത്തിൽ ചീറിയുള്ള വിളികേട്ട് ആന്റണി തിരിഞ്ഞു നോക്കി.

മുന്നിൽ സംഹാര രുദ്രയുടെ മുഖഭാവത്തോടെ സാന്ദ്ര. ആ കണ്ണുകൾ ചുവന്നു മുഖം ദേഷ്യത്താൽ വലിഞ്ഞുമുറുകി അവന്റെ അടുക്കൽ എത്തിയ അവൾ അവന്റെ കരണം തീർത്തോരെണ്ണം പൊട്ടിച്ചു.