ജിന്നും മാലാഖയും

Jinnum malakhayum

Author : നൗഫു!Previuse part

 

 

 

കഥ തുടരുന്നു…

 

എന്റെ കണ്ണുകൾ താനെ അടയാൻ തുടങ്ങി…

 

സുജൂദിൽ കിടക്കുന്നത് പോലെ തന്നെ ഞാൻ ഉറക്കത്തിലേക്കു വീണു പോയി…

 

ആരോ ആ പള്ളിയുടെ വാതിൽ തുറക്കുന്നുണ്ട്..

 

കണ്ണഞ്ചിപ്പിക്കുന്ന പ്രകാശം ഞാനിരിക്കുന്ന റൂമിലേക്കു ഒഴുകി വരാൻ തുടങ്ങി..

 

എന്റെ കുറച്ച് മുന്നിലായി പള്ളിക്കുള്ളിലെ ആദ്യ സ്റ്റെപ്പിൽ ഒരാൾ വന്നു നിന്നു…

 

അയാളുടെ മുഖം എനിക്ക് കാണാൻ കഴിയുന്നില്ല..

 

അയാൾ തക്ബീർ ചൊല്ലി നിസ്കാരം തുടങ്ങി…

 

അയാളെ മുഴുവനായി ഒന്ന് നോക്കിയ ഞാൻ ഞെട്ടിപിടഞ്ഞു സുജൂദിൽ നിന്നും എഴുന്നേറ്റ് പിറകിലെ മതിലിൽ ചാരി ഇരുന്നു…

 

ശുഭ വസ്ത്രം ധരിച്ചു കയറി നിസ്കാരം തുടങ്ങിയ അദേഹത്തിന്റെ കാലുകൾ നിലത്ത് മുട്ടുന്നുണ്ടായിരുന്നില്ല…

 

അവിടെ ഒരു പ്രകാശം മാത്രം കാണാം..

 

വായുവിൽ ഒഴുകി നടക്കുന്നത് പോലെയാണ് അദ്ദേഹം നിസ്കാരം നിർവഹിക്കുന്നത്..

 

എന്റെ ഉള്ളിലൊരു ഭയം വന്നു നിറഞ്ഞു..

 

ജീവിതത്തിൽ ഇന്ന് വരെ കാണാത്ത ഒരു കാഴ്ച..

 

എന്റെ ഉള്ളിൽ ഞാനോതി പഠിച്ച പല കിതാബുകളും തുറന്നു മറയാൻ തുടങ്ങി…

 

ജിന്നാണോ…

 

ആണെങ്കിൽ നല്ല ജിന്നാണ്…

 

ചീത്ത ജിന്നുകൾ ശൈത്താനുകളിൽ പെട്ടത് ആണല്ലോ, അവറൊരിക്കലും പള്ളിയിൽ കയറില്ല..

 

പണ്ട്, മദ്രസയിൽ പഠിക്കുമ്പോൾ ഉസ്താദ് പറഞ്ഞുതന്ന ഒരു കഥ എനിക്കോർമ്മ വന്നു..

 

ആ കഥ ഇങ്ങനെയായിരുന്നു..

 

“” ചിമ്മിണി വിളിക്കിന് ചുറ്റും വട്ടത്തിൽ കുത്തിയിരുന്ന് ധർസ് ( ഓതി പഠിക്കൽ) എടുക്കുന്ന കാലം ..

 

അന്ന് ക്ലാസിൽ ഇരുപതോളം കുട്ടികൾ ഉണ്ടായിരുന്നു, അവർക്കെല്ലാം പാതിരാത്രിയാവുന്നത് വരെ ക്ലാസ്സുകൾ എടുക്കും..

 

ഒരു ദിവസം രാത്രി ഒരു ഉമ്മ മകനുമായി വന്നു പള്ളിയിലെ ഉസ്താദിനോട് അവരുടെ മകനെയും മറ്റു കുട്ടികളുടെ ഒപ്പമിരുത്തി ഓത്തു പഠിപ്പിക്കാനാവശ്യപെട്ടു..

 

ഉസ്താദ് പക്ഷേ ആ ആവശ്യം അംഗീകരിച്ചില്ല..

 

പക്ഷേ.. തുടർച്ചയായി മൂന്നു ദിവസത്തോളം അവർ ആവശ്യവും പറഞ്ഞു കൊണ്ട് തന്നെ ഉസ്താദിനെ സമീപിച്ചപ്പോൾ, ക്ലാസ്സിൽ ഇരുത്താമെന്നു സമ്മതിച്ചു..

 

പക്ഷേ, മറ്റു കുട്ടികൾക്ക് ഉപദ്രവം ചെയ്യുന്നത് എന്തെങ്കിലും ശ്രദ്ധയിൽപെട്ടാൽ, അന്ന് തന്നെ ഇവനെ ക്ലാസ്സിൽ നിന്നും പുറത്താകുമെന്നും ഉസ്താദ് പറഞ്ഞു..

 

അങ്ങിനെ ആ കുട്ടിയും അവിടെ പഠിക്കാനായി തുടങ്ങി..