ജാതക പൊരുത്തം [സഞ്ജു] 464

“എന്തെങ്കിലും ഒക്കെ ആയിക്കോ….”

അവൻ ദേഷ്യപ്പെട്ട് പോയി.

അങ്ങനെ അവളും അമ്മയും ജ്യോത്സ്യനെ കാണാൻ പോയി…. തേരിമംഗലം കൃഷ്ണപണിക്കർ. ആ നാട്ടിലെ പ്രമുഖൻ ആണ് അയാൾ. അവിടെ എത്തിയപ്പോൾ ആളുകളുടെ ഒരു നീണ്ട നിര.

അമ്മ അവളുടെ ചെവിയിൽ പറഞ്ഞു. “കണ്ടോ… പറഞ്ഞാൽ പറഞ്ഞതാ…….അന്യ നാട്ടിൽ നിന്ന് പോലും ആളുകൾ വരുന്നുണ്ട്. ഞാൻ ഒരിക്കൽ വന്നിട്ടുണ്ട്. അന്ന് എല്ലാം സത്യമാ പണിക്കർ പറഞ്ഞത്. അച്ഛന്റെ അസുഖത്തെ പറ്റിയടക്കം പറഞ്ഞു….”

അവൾ ചിരിച്ചു. സത്യത്തിൽ അവളുടെ നെഞ്ച് ഇടിക്കുകയായിരുന്നു.സമയം കടന്ന് പോയി, അവസാനം പണിക്കരുടെ അടുതെത്തിയപോയേക്കും വൈകുനേരം ആയിരുന്നു.

പണിക്കർ രണ്ട് പേരെയും ഒന്ന് നോക്കി.

അമ്മ രണ്ട് ജാതകവും അയാൾക്ക് കൊടുത്തിട്ട് പറഞ്ഞു:”ജാതകം ഒന്ന് നോക്കണം”

“നിമിത്തം ഒന്നും ശരിയല്ലല്ലോ… നോക്കാൻ വന്ന സമയയും ശരിയല്ല….സൂര്യൻ അസ്‌തമിക്കാൻ പോകുന്നു.. ഈ സമയത്ത് ജാതകം നോക്കാൻ പാടില്ല ” :പണിക്കർ പറഞ്ഞു.

അയാൾ രണ്ട് ജാതകവും നോക്കി… കവടി നിരത്തി എന്തൊക്കെയോ മന്ത്രങ്ങൾ ഉരുവിട്ടു.പിന്നെ ഒരു ബുക്ക്‌ തുറന്ന് നോക്കി ജാതകം തിരികെ ഏല്പിച്ചു.എന്നിട്ട് പറഞ്ഞു:

“പറ്റില്ല ഒരിക്കലും ചേർക്കാൻ പറ്റില്ല..”

അമ്മയുടെ മുഖം ഇരുണ്ടു… “പരിഹാരം ഒന്നുമില്ലേ….. ”

“ചേർക്കാം….പക്ഷെ ഒരാളുടെ മരണം നിശ്ചയം… എന്താ വേണോ….”

“അയ്യോ… പണിക്കരെ കുട്ടികളുടെ വിവാഹം കഴിഞ്ഞു… ഇനി എന്താ ചെയ്യാ…”

അമ്മയുടെ കണ്ണുകൾ നിറഞ്ഞു. കരച്ചിലിന്റെ വക്കിൽ എത്തി. അവളാണേൽ നടുങ്ങി ഇരിക്കാണ്…

പണിക്കരുടെ മുഖം ഇരുണ്ടു…” ഇതാ ഇന്നത്തെ കുട്ടികളുടെ കഥ. എന്തിനാ ഇപ്പൊ ജാതകം നോക്കിയത്… ഇതൊക്കെ ആദ്യമേ നോക്കേണ്ടതല്ലേ… ഇനി ഇപ്പോ പറഞ്ഞിട്ട് കാര്യല്ല്യ.. ദൈവത്തോട് പ്രാർത്ഥിക്ക… അതല്ലാണ്ട് വേറെ വഴി ഇല്ല.