ചെകുത്താന്‍ വനം 7 [Cyril] 2323

“മനുഷ്യര്‍ മാത്രമല്ല — ചെകുത്താന്‍, മാലാഖ, വ്യാളി, മന്ത്ര ഭക്ഷിനി, വേറെയും നിങ്ങൾ അറിയാത്ത ജീവികള്‍ എല്ലാവർക്കും മന്ത്ര ശക്തി നഷ്ടമാകും. ആര്‍ക്കും അവർ അവരുടെ ലോകം വിട്ട് വേറൊരു ലോകത്ത് പോകാൻ കഴിയില്ല…. മാന്ത്രിക ശക്തി വെറും പ്രപഞ്ച ശക്തികള്‍ക്ക് മാത്രം സ്വന്തം ആയിരിക്കും. മാന്ത്രിക ശക്തി ആരിലും ഇല്ലെങ്കില്‍ എല്ലാവർക്കും സമമായി ജീവിക്കാനുള്ള അവസരം ലഭിക്കും… ആരും ആരെയും അടിമയായി മാറ്റില്ല….” ഞാൻ പറഞ്ഞു.

“പക്ഷേ ഞങ്ങളുടെ ശക്തി കാരണം മറ്റുള്ളവര്‍ക്ക് നന്മ മാത്രമാണ്‌ ലഭിച്ചത്‌…” ആരണ്യ നിരാശ കലര്‍ന്ന സ്വരത്തില്‍ പറഞ്ഞു.

“എന്റെയും ശക്തി കാരണം എല്ലാവർക്കും നന്മ മാത്രമാണ്‌ വന്നത്…. പക്ഷേ നിങ്ങളുടെ ശക്തി കാരണം എന്ത് നന്മയാണ് എനിക്ക് ലഭിച്ചത്? പ്രപഞ്ചത്തെ രക്ഷിച്ച എനിക്ക് സമ്മാനമായി ലഭിച്ചത് ഹൃദയത്തില്‍ മൂര്‍ച്ചയുള്ള ഒരു വാള്‍ മുന മാത്രമാണ്…. അതും സ്വന്തം അമ്മയില്‍ നിന്നും…..! അപ്പോള്‍ ന്യായം നടപ്പിലാക്കാന്‍ അറിയാത്ത, കഴിവില്ലാത്ത നിങ്ങളുടെ കൈയിലെ മാന്ത്രിക ശക്തി മറ്റുള്ളവര്‍ക്ക് ദോഷം മാത്രമേ ചെയ്യുകയുള്ളു — അത് ഞാൻ മനസ്സിലാക്കിയത് കൊണ്ട്‌ മാത്രമാണ് ഞാൻ ആ തീരുമാനം എടുത്തത്.” ഞാൻ പറഞ്ഞു.

പെട്ടന്ന് എന്നില്‍ തറച്ചിരുന്ന വാൾ എന്റെ ശരീരത്തിൽ ലയിച്ച് ചേരാന്‍ തുടങ്ങി…

“എന്താണ് സംഭവിക്കുന്നത്?” ആരണ്യ ചോദിച്ചു.

“നിങ്ങളുടെ ലോകത്തെ, നിങ്ങളുടെ പ്രപഞ്ചത്തെ ആരും ഇനി ആക്രമിക്കാന്‍ വരില്ല…. മാന്ത്രിക ശക്തി ഇല്ലാത്ത മനുഷ്യരായി ജീവിക്കാൻ തയ്യാറായിക്കോളു….. ഒരുപക്ഷേ സാധാരണ മനുഷ്യനായി ഞാൻ തിരിച്ച് വരും…” ഉടനെ എന്റെ ശരീരം അപ്രത്യക്ഷമായി.

എവിടെയും ശാന്തത മാത്രം….,

എന്നില്‍ സംഭവിച്ച മാറ്റങ്ങൾ ഞാൻ അറിഞ്ഞു. രണ്ട് ദിവസം തുടർച്ചയായി ഞാൻ നിദ്രയില്‍ ആയിരുന്നു….,

എന്റെ കണ്ണ് ഞാൻ മെല്ലെ തുറന്ന് നോക്കി. ഞാൻ എവിടെയാണെന്ന് എനിക്കറിയാം… ഇപ്പോൾ ഞാൻ എന്താണെന്നും എനിക്കറിയാം.

ഞാൻ പ്രപഞ്ചത്തിന് പുറത്താണ്…. കാലചക്രതിന് പോലും എന്നെ തൊടാൻ കഴിയില്ല.

“എന്തിനായിരുന്നു നിന്റെ ഈ നാടകം….?” എന്റെ മുന്നില്‍ പ്രത്യക്ഷപ്പെട്ട മഞ്ഞ് രൂപം ചോദിച്ചു.

“എന്ത് നാടകം?” ഞാൻ ചോദിച്ചു.

“മനുഷ്യ ലോകത്ത് വെച്ച് നിന്റെ ഉള്ളില്‍ ഉണ്ടായിരുന്ന എന്റെ ശബ്ദ ശക്തിയെ നിന്റെ ഉള്ളില്‍ ഉണ്ടായിരുന്നു എന്റെ ഇഛാശക്തി യുമായി നി ലയിപ്പിച്ച് ചേര്‍ത്തു… എന്നിട്ട് കാലിയായ വെറും ഗോളം മാത്രമാണ് ആ മനുഷ്യരെ സാക്ഷിയായി നിർത്തി കൊണ്ട് നി എനിക്ക് തിരികെ തരുന്നു എന്ന് കള്ളം പറഞ്ഞ്‌ തന്നത്. ഞാൻ സംസാരിച്ചാൽ എന്റെ ശബ്ദ ശക്തി ലോകവേന്തനെ തളർത്തുമെന്ന് അറിയാവുന്ന നി എന്നെ കൊണ്ട് സംസാരിപ്പിച്ചു….. എന്നിട്ട് ആരണ്യക്ക് ലോകവേന്തനെ കൊല്ലാനുള്ള സാഹചര്യം ഒരുക്കി കൊടുത്തു.” ഉന്നത ശക്തി ചിരിച്ചുകൊണ്ടു പറഞ്ഞു.

ഞാനും ചിരിച്ചു.