ചെകുത്താന്‍ വനം 7 [Cyril] 2321

“കാരണം, അറോറ എന്ന തിരിച്ചറിവ്‌ പ്രപഞ്ചമായി സൃഷ്ടിക്കപ്പെട്ട് ഒരു ലക്ഷം വര്‍ഷം കഴിഞ്ഞപ്പോള്‍ അറോറ എന്നോട് സംസാരിക്കാന്‍ തുനിഞ്ഞു. പക്ഷേ അറോറക്ക് നിന്നെ പോലെ എന്റെ ശബ്ദ ശക്തിയെ താങ്ങാനോ നിയന്ത്രിക്കാനോ കഴിഞ്ഞില്ല. നിന്നെ പോലെ എന്റെ ശബ്ദ ശക്തിക്ക് എതിരായി മാന്ത്രിക കവചം സൃഷ്ടിക്കാനും അവള്‍ക്ക് കഴിഞ്ഞില്ല. എന്റെ ശബ്ദ ശക്തി അറോറയുടെ ശക്തമായ ഇഛാശക്തിയെ ക്രമേണെ നശിപ്പിച്ചു കൊണ്ടിരുന്നു. വർഷങ്ങൾ കഴിയുന്തോറും എന്റെ ശക്തി അറോറയില്‍ സൃഷ്ടിച്ച് കൊണ്ടിരുന്ന വേദനയെ വർദ്ധിപ്പിക്കുകയും ചെയ്തു കൊണ്ടിരുന്നു, പക്ഷേ അതിനെ എതിരെല്ക്കാൻ മാര്‍ഗ്ഗങ്ങള്‍ ഒന്നുംതന്നെ അവള്‍ക്ക് കണ്ടെത്താനും കഴിഞ്ഞില്ല.

“അവസാനം ആ വേദനയില്‍ നിന്നും തന്നെ രക്ഷപ്പെടുത്താന്‍ വേണ്ടി അറോറ ഗിയയോട് അപേക്ഷിച്ചു.
അറോറയുടെ ഉള്ളില്‍ പ്രവേശിച്ച എന്റെ ശബ്ദ ശക്തി, ഒറ്റപ്പെട്ട ഒരു ശക്തിയായി അവളുടെ ഉള്ളില്‍ ഒരു ഗോളം സൃഷ്ടിച്ച് അതിൽ സ്വരൂപിച്ചു കിടന്നു. ആ ശക്തിയെ മുഴുവനായി ഏറ്റെടുക്കാനുള്ള ശേഷി ഗിയക്ക് പോലും ഇല്ലാത്തതുകൊണ്ട് അതിന്റെ പകുതി ശക്തിയെ മാത്രമാണ് അന്ന് ഗിയ സ്വീകരിച്ചത്. പക്ഷേ എന്നിട്ടും ആ അര്‍ധ ശക്തിയെ പോലും അവർ രണ്ട് പേര്‍ക്കും എതിരെല്ക്കാൻ കഴിഞ്ഞില്ല.
എന്നാൽ ഗിയ തോല്‍വി സമ്മതിച്ചില്ല. അവൾ തന്നെക്കൊണ്ട് ആവുന്ന വിതം ആ ശക്തിയെ താങ്ങാന്‍ ശ്രമിച്ചു കൊണ്ടേയിരുന്നു. പക്ഷേ, ആ വേദനയില്‍ നിന്നും രക്ഷപ്പെടാൻ അറോറ അവളെ സ്വയം നശിപ്പിച്ചു. പ്രപഞ്ചം നശിച്ചത് കാരണം അതിലുണ്ടായിരുന്ന എല്ലാ മനുഷ്യരും നശിക്കുകയുണ്ടായി.”

ആ അറിവ് ഒരു ഇടിത്തീ പോലെ എന്റെ തലയില്‍ വീണു. രണ്ട് മൂന്ന് വട്ടം ഞാൻ സംസാരിക്കാന്‍ ശ്രമിച്ചെങ്കിലും എന്റെ ശബ്ദം പുറത്തേക്ക് വന്നില്ല.

ഉന്നത ശക്തി തുടർന്നു, “പിന്നേ നത്തോറ എന്ന വെറുമൊരു തിരിച്ചറിവ് ഒരു പ്രപഞ്ചമായി രൂപാന്തരപ്പെടണം….. അതിൽ ലോകങ്ങള്‍ സൃഷ്ടിക്കണം…… ആ ലോകങ്ങളില്‍ ജീവജാലങ്ങളെ സൃഷ്ടിക്കണം എന്ന സങ്കല്‍പ്പത്തെ ഞാൻ യാഥാർത്ഥ്യമാക്കി കൊടുത്തു. പക്ഷേ അറോറ എന്ന പ്രപഞ്ചത്തിന്റെ അതേ ദുരന്തം നത്തോറ എന്ന പ്രപഞ്ചത്തിന് സംഭവിക്കാതിരിക്കാന്‍ വേണ്ടിയാണ്, എന്റെ ശക്തിയുടെ സത്യാവസ്ഥ മനസ്സിലാക്കിയ അറോറ യെയും ഗിയ യേയും ഞാൻ നത്തോറ എന്ന പ്രപഞ്ചത്തില്‍ കൂട്ടിച്ചേര്‍ത്തത്. അതുകൊണ്ട് ഉന്നത ശക്തിയായ എന്നോട് സംസാരിക്കാന്‍ ശ്രമിക്കുന്ന ശക്തികളെ നാശത്തിൽ നിന്നും തടയാൻ അവര്‍ക്ക് കഴിയും.”

ഞാൻ മുഖം ചുളിച്ചു.

“പക്ഷേ എന്നെ ഇപ്പൊ അവരാരും തടഞ്ഞില്ല…..” ഞാൻ കുറ്റപ്പെടുത്തി.

“നമുക്ക് ചുറ്റും കാല ചക്രത്തെ ഞാൻ സ്തംഭിപ്പിച്ചു. പ്രപഞ്ച ശക്തികള്‍ പോലും ഇപ്പോൾ സ്തംഭനാവസ്ഥയിൽ ആണ്. അതുകൊണ്ട്‌ നി എന്നോട് സംസാരിക്കാൻ ശ്രമിച്ചതും, എന്നോട് സംസാരിച്ചതും അവരാരും അറിയുന്നില്ല…. പിന്നെ, എന്റെ ശബ്ദത്തില്‍ നിന്നും സൃഷ്ടിക്കപ്പെട്ടുന്ന എന്റെ ഉന്നതമായ വിശുദ്ധമായ ശക്തിയായ യഥാര്‍ത്ഥ ശക്തിയെ പോലും എതിരെൽക്കാനുള്ള ശേഷിയുള്ള ആദ്യ ശക്തിയായി നി മാറിയിരിക്കുന്നു. അതുകൊണ്ട്‌ നിന്നെ തടയാൻ അവർ ശ്രമിച്ചിരുന്നാൽ പോലും ഇത്രത്തോളം ശക്തിയുള്ള നിന്നെ തടയാന്‍ ആര്‍ക്കും കഴിയുമായിരുന്നില്ല.”

“എന്തിനാണ് നിങ്ങൾ ഇപ്പോൾ പ്രപഞ്ചത്തെ സ്തംഭിപ്പിച്ചത്?” ഞാൻ ചോദിച്ചു.

“നാളെ തുടങ്ങി ഒന്‍പതാം ദിവസം ലോകവേന്തൻ ഉണരും എന്ന് നിന്നെ കാണിക്കാൻ? ദൃശ്യ കാഴ്ചകള്‍ പ്രയോഗിച്ച് ഞാൻ നിന്നോട് സംസാരിക്കുമ്പോള്‍ കാല ചക്രത്തെ ഞാൻ സ്തംഭിക്കും. അങ്ങനെ ചെയ്യുന്നത് മൂലം മറ്റുള്ള ശക്തികള്‍ ഇക്കാര്യം അറിയില്ല.”

“എന്തുകൊണ്ട്‌ ലോകവേന്തനെ നിങ്ങൾ സ്വയം തടയുന്നില്ല….? അവന് ഉന്നത ശക്തി പകര്‍ന്നു കൊടുക്കാനുള്ള കാരണം എന്താണ്…? ഈ പ്രപഞ്ചത്തിലെ എല്ലാ ശക്തിക്കും നിങ്ങളോട് സംസാരിക്കാന്‍ കഴിയുമോ….?” ഞാൻ ചോദിച്ചു.

“ഉന്നത ശക്തിയുള്ള നിനക്കും ലോകവേന്തനും എന്നോട് സംസാരിക്കാന്‍ കഴിയും. നിനക്ക് എന്റെ ശബ്ദ ശക്തിയെ എതിരേല്ക്കാൻ കഴിയുമെന്ന് നി തെളിയിച്ച് കഴിഞ്ഞു. പക്ഷേ ലോകവേന്തൻ ഇതുവരെ എന്നോട് സംസാരിക്കാന്‍ ശ്രമിച്ചില്ല.
പ്രപഞ്ച ശക്തികളായ നത്തോറ, അറോറ, ഗിയ എന്ന ശക്തികള്‍ക്കും എന്നോട് സംസാരിക്കാന്‍ കഴിയും; പക്ഷേ എന്റെ ശബ്ദ ശക്തിയെ എതിരെല്ക്കാനുള്ള ശേഷി അവര്‍ക്കില്ല എന്ന് ഗിയയും അറോറയും തെളിയിച്ചു കഴിഞ്ഞു. അതുകാരണം നത്തോറ എന്നോട് സംസാരിക്കാന്‍ ഭയക്കുന്നതും ഞാൻ അറിയുന്നു —