ചെകുത്താന്‍ വനം 7 [Cyril] 2323

പക്ഷേ വെറും ഉന്നത ശക്തി മാത്രം ഉള്ള ആ വാളിന് എന്റെ ശക്തിയെ ചോർത്താൻ കഴിയില്ല എങ്കിലും ആ വാള്‍ കൊണ്ട്‌ ഉന്നത ശക്തിയിൽ നിന്നും എന്റെ ജീവ ജ്യോതിയില്‍ ബന്ധിപ്പിച്ചിരിക്കുന്ന ആ മാന്ത്രിക ചരടിനെ ഈ വാള്‍ കൊണ്ട്‌ ഛേദിച്ച് കളയാന്‍ കഴിയും. അങ്ങനെ ചെയ്താൽ എനിക്ക് ഉന്നത ശക്തിയുടെ ഊര്‍ജ്ജത്തിൽ നിന്നും കൂടുതൽ ശക്തി എടുക്കാന്‍ കഴിയില്ല. അപ്പോൾ ലോകവേന്തന് എന്നെ കൊല്ലാന്‍ ഒരു പ്രയാസവും ഉണ്ടാവില്ല.

ഉന്നത ശക്തിയിൽ ബന്ധിക്കപ്പെട്ട എന്റെ മാന്ത്രിക ചരടിനെ ലോകവേന്തൻ ഛേദിച്ച് കളഞ്ഞാലും ലോകവേന്തനെ ക്കാൾ അതിവേഗത്തില്‍ എനിക്ക് പ്രവർത്തിക്കാൻ കഴിഞ്ഞാൽ, എന്നില്‍ ഉള്ള ഉന്നത ശക്തിയെ അവന്‍ ചോർത്തും മുന്നേ ഉന്നത ശക്തിയും ആയുള്ളൂ ബന്ധം എനിക്ക് പിന്നെയും സൃഷ്ടിക്കാന്‍ കഴിയും….. പക്ഷേ അതിനുള്ള സമയം ലോകവേന്തൻ എനിക്ക് തരുമെന്ന് ഞാൻ കരുതുന്നില്ല.

“നിന്റെ ആയുധം തിരഞ്ഞെടുക്കാനുള്ള സമയം പോലും ഞാൻ നിനക്ക് തന്നു…. പക്ഷേ മൂടനായ നി വെറുതെ നില്‍ക്കുന്നത് മാത്രമാണ് ഞാൻ കാണുന്നത്…. നി ഒരു യോദ്ധാവല്ല എന്ന് നീ സ്വയം തെളിയിച്ചിരിക്കുന്നു…” ലോകവേന്തൻ അട്ടഹസിച്ചു.

ഉന്നത ശക്തിയില്‍ നിന്നും ലോകവേന്തൻ കൂടുതൽ ശക്തി അവന്റെ വാളിന് പകര്‍ന്നു കൊടുക്കാൻ തുടങ്ങി. ഉടനെ പ്രപഞ്ചമാകെ ഒന്ന് ഇരുണ്ടു.

എന്റെ പുതിയ പരീക്ഷണത്തിന് നേരമായി…..

പ്രപഞ്ചത്തില്‍ നിന്നുള്ള ശക്തിയെ ഞാൻ എന്നിലേക്ക് ആവാഹിച്ചു….. എന്നിട്ട് എന്റെ ഉള്ളിലുള്ള ശബ്ദ ശക്തിയുടെ ഗോളത്തിനകത്ത് നിന്നും കൊഴുത്ത ദ്രാവകം പോലത്തെ ശക്തിയുടെ വെറും സംക്ഷേപത്തിൽ നിന്നും ചെറിയ അംശം മാത്രം എടുത്ത് എന്നില്‍ ആവാഹിച്ച പ്രപഞ്ച ശക്തിയില്‍ ഞാൻ ലയിപ്പിച്ചു………

ആ ശക്തിയെ ഞാൻ എന്റെ വലതു കൈയിൽ ലയിപ്പിച്ച് ചേര്‍ത്തു…..

ശേഷം ലോകവേന്തനെ നോക്കി ഞാൻ പുഞ്ചിരിച്ചു.

“ലോകവേന്തൻ എന്ന ഭീരുവിനെ ആക്രമിക്കാൻ എനിക്ക് വാളിന്റെ ആവശ്യമില്ല….” ഞാൻ വിളിച്ച് കൂവി.

കുറെനേരം അവനെന്നെ തുറിച്ചു നോക്കി കൊണ്ട്‌ നിന്നു. ഞാനൊന്ന് കണ്ണുചിമ്മി……..,

ആ അവസരം മുതലെടുത്ത് ലോകവേന്തൻ ആകാശത്തെയും മേഘങ്ങളെയും പിളർത്തി കൊണ്ട്‌ എന്റെ നേര്‍ക്ക് മിന്നല്‍ പോലെ പാഞ്ഞു വരുന്നതാണ് ഞാൻ കണ്ടത്…..

ഞാൻ അനങ്ങാതെ നിന്നു. ഒരു കൂസലുമില്ലാതെ നില്‍ക്കുന്ന എന്നെ കണ്ട് ലോകവേന്തന്റെ കണ്ണില്‍ ചെറിയൊരു ഭയം മിന്നിമറഞ്ഞു.

പക്ഷേ ലോകവേന്തൻ എന്നെ ആക്രമിക്കുക തന്നെ ചെയ്തു……