കർമ

Author : Vyshu

ഇടയ്ക്കിടയ്ക്ക് മിന്നിതെളിയുന്ന സ്ട്രീറ്റ് ലൈറ്റിന്റെ പ്രകാശം തീർത്തും അപര്യാപ്തമായിരുന്നു
ആ ഇരുട്ടിനെ മുറിച്ചു കടക്കാൻ. മതിലിനോട് ചേർന്ന ബോർഡിൽ
Ad ഹരിനാരായണൻ എന്ന് അവ്യക്തമായി വായിക്കാൻ കഴിയുന്നുണ്ട്. തീർത്തും വിജനമായ അന്തരീക്ഷം. അതിനിടയിലേക്കാണ് ചെറിയ ഇരമ്പലോടെ ഡിം ലൈറ്റും ഇട്ട് കൊണ്ട് TN 54 P 2664 ലോറി കയറി വരുന്നത്. അത് മെല്ലെ ഹരിനാരായണൻന്റെ ബോർഡ്‌ വച്ച മതിലിനോട് ചേർന്നു നിൽക്കുന്നു. കുറച്ചു പഴക്കം ചെന്ന ലോറിയാണെന്നു ഒറ്റ നോട്ടത്തിൽ തന്നെ മനസ്സിലാകും. ടാറ്റായുടെ പഴയ മോഡൽ ലോറി.
അതിന്റെ പിറക്കുവശം ഗ്രിൽ കൊണ്ട് കെട്ടിപ്പൊക്കി കറുത്ത ഷീറ്റ് ഇട്ടിട്ടുണ്ട്. ഡ്രൈവർ ക്യാബിനിൽ നിന്നും ഒരാൾ പുറത്തേക്കിറങ്ങിയ ശേഷം പരിസരം ഒന്ന് വീക്ഷിക്കുന്നു. തുണി കൊണ്ട് മുഖം മറച്ചത് കൊണ്ട് ആളെ വ്യക്തമല്ല. വീണ്ടും പരിസരം വീക്ഷിച്ച ശേഷം അയാൾ നല്ല മെയ് വഴക്കത്തോടെ ലോറിക്ക് മുകളിലേക്കു വലിഞ്ഞു കയറി ഏറ്റവും മുകളിലെ പ്ലാസ്റ്റിക് ഷീറ്റ് വലിച്ച് മാറ്റുന്നു തുടർന്ന് ഒരു നീളത്തിലുള്ള പ്ലാസ്റ്റിക്കിൽ പൊതിഞ്ഞ വസ്തു എടുത്തുയർത്തി മതിലിനകത്തേക്ക് എറിയുന്നു. പിന്നീട് വളരെ വേഗത്തിൽ ഡ്രൈവർ കാബിനിലേക്ക് തിരികെ കയറിയ ശേഷം അയാൾ വണ്ടി മുന്നോട്ടെടുക്കുന്നു…
ഇത് എട്ടാം തവണയാണ് si ആന്റണിയും asi സുബാഷും കൂടി cctv ദൃശ്യങ്ങൾ പരിശോധിക്കുന്നത്.
ഒരു വട്ടം കൂടിയെൻ ഓർമ്മകൾ മേയുന്ന….
അപ്പോഴാണ് സുഭാഷിന്റെ ഫോൺ റിങ് ചെയ്തത്.
സാർ സൈബർ സെല്ലിൽ നിന്ന് അനി വിളിക്കുന്നുണ്ട്.
താൻ ഫോൺ അറ്റൻഡ് ചെയ് ആ ഹലോ അനി.
സാറേ ആ ലോറി നമ്പർ ട്രാക്ക് ചെയ്തു.സേലം ഈസ്റ്റ്‌ rto രെജിസ്ട്രേഷൻ വണ്ടിയ. ഓണർ ഒരു മുത്തുചാമി.