കർമ [Vyshu] 245

വെരി ഗുഡ് അത് കേട്ടപ്പോൾ വലിയ സന്തോഷത്തിലായിരുന്നു സുഭാഷ്
സാറേ പക്ഷെ ഒരു പ്രശ്നം ഉണ്ട്
എന്താടോ
ആ വണ്ടി രണ്ട് ദിവസമായി സേലം പോലീസ് സ്റ്റേഷനിൽ പിടിച്ചിട്ടിരിക്കുകയാണ്.
Ok
സുബാഷേ എന്തായി വണ്ടി ട്രേസ് ചെയ്തൊ ഫോൺ കോൾ ഡിസ്കണക്ട് ചെയ്യുന്നത് കണ്ട് ആന്റണി ചോദിച്ചു.
ട്രേസ് ചെയ്തു സാറേ ആ നമ്പർ ഫേക്ക് ആണെന്ന തോന്നുന്നേ. സെയിം നമ്പർ വണ്ടി നിലവിൽ സേലം പോലീസ് സ്റ്റേഷനിൽ ഉണ്ട്.
സാറേ ആ ജോലിക്കാരൻ പയ്യന് ബോധം വീണിട്ടുണ്ട്.
ഹെഡ് കോൺസ്റ്റബിൾ കുമാരേട്ടൻ വിളിക്കുന്നത്‌ കേട്ടാണ് ആന്റണി ചിന്തയിൽ നിന്ന് ഉണർന്നത്
ആ ഇതാ വന്നു.
cctv ദൃശ്യങ്ങൾ മുഴുവൻ കോപ്പി ചെയ്തെടുക്കാൻ സുബാഷിനെ ഏല്പിച്ച ശേഷമാണു ആന്റണി കുമാരേട്ടന്റെ കൂടെ ജോലിക്കാരന്റെ അടുത്തെത്തിയത്.
ഇപ്പോൾ കുഴപ്പം ഒന്നും ഇല്ലല്ലോ?
ഇല്ല സാർ.
നിന്റെ പേര് എന്താണ്?
മനു.
ഇവിടെ എത്ര വർഷമായി ജോലി ചെയ്യുന്നു?
രണ്ട് വർഷമായി
ഇനി പറ എന്താ രാവിലെ സംഭവിച്ചത്?
ഞാൻ രാവിലെ ചെടികൾ നനക്കുകയായിരുന്നു അപ്പോഴാണ് മതിലിനോട് ചേർന്ന് പ്ലാസ്റ്റിക്കിൽ പൊതിഞ്ഞു എന്തോ കിടക്കുന്നതു കണ്ടത്. അതിൽ നിന്ന് നല്ല ചന്ദനത്തിന്റെ മണം വരുന്നുണ്ടായിരുന്നു. ഞാൻ അത് എന്താണെന്നറിയാൻ പ്ലാസ്റ്റിക് മാറ്റി നോക്കി.
അത് പറയുമ്പോൾ മനുവിന്റെ മുഖം മൊത്തം വിളറിയിട്ടുണ്ടായിരുന്നു.