കോഡ് ഓഫ് മർഡർ 4 [Arvind surya] 158

“നിന്റെ ഈ വേദന എന്നെ മത്തുപിടിപ്പിക്കുന്നു ഡേവിഡ് “അതും പറഞ്ഞു കൊണ്ട് അയാൾ അതിനു താഴെ ആയി വീണ്ടും ബ്ലേഡ് കൊണ്ട് മുറിവ് ഉണ്ടാക്കി. ഡേവിഡ് ആകട്ടെ ഒന്ന് അലറി കരയാൻ പോലും ആകാതെ അനങ്ങാൻ ആകാതെ കിടന്നു.
അയാൾ വീണ്ടും വീണ്ടും മുറിവുകൾ ഉണ്ടാക്കി കൊണ്ടേ ഇരുന്നു. ഡേവിഡിന്റെ വേദനയിൽ ആനന്ദം കണ്ടെത്തുന്ന ഒരു സൈക്കോപാത്തിന്റെ ഉന്മാദ അവസ്ഥയിൽ എത്തിയിരുന്നു അയാൾ അപ്പോഴേക്കും.

“മരണ ഭയം നിന്റെ ഈ കണ്ണുകളിൽ എനിക്ക് കാണാൻ കഴിയുന്നു. നീ കണ്ണുകൾ തുറന്നു ശെരിക്കും കാഴ്ചകൾ കണ്ടോളു ഡേവിഡ് കാരണം നീ ഈ കണ്ണുകൾ കൊണ്ട് കാണുന്ന അവസാനത്തെ കാഴ്ച ഈ ഞാൻ ആയിരിക്കും “അതും പറഞ്ഞു പൊട്ടിച്ചിരിച്ചു കൊണ്ട് അയാൾ തന്റെ കയ്യിൽ ഇരുന്ന സർജിക്കൽ ബ്ലേഡ് ഡേവിഡിന്റെ വലത് കണ്ണിലേക്കു കുത്തി കയറ്റി. അയാളുടെ കണ്ണിൽ നിന്നും ചോര പുറത്തേക്കു തെറിച്ചു.

  ഡേവിഡിന് എങ്ങനെ എങ്കിലും ഒന്ന് മരിച്ചിരുന്നെങ്കിൽ എന്ന് തോന്നിപോയി. വേദന കൊണ്ട് അയാൾ കിടന്നു പുളഞ്ഞു.
വീണ്ടും അയാളുടെ കയ്യിൽ ഇരുന്ന സെജിക്കൽ ബ്ലേഡ് ഉയർന്നു പൊങ്ങി. ഇത്തവണ അത് ഡേവിഡിന്റെ ഇടത് കണ്ണിലേക്കു ആയിരുന്നു. ഇരു കണ്ണുകളിൽ നിന്നും ചോര ഒഴുകുന്നത് കണ്ട അയാൾ ക്രൂരമായി ചിരിച്ചു കൊണ്ട് തന്റെ വിരൽ ഉപയോഗിച്ചു സെജിക്കൽ ബ്ലേഡിൽ പറ്റിയിരുന്ന ഡേവിഡിന്റെ ചോര നാവിലേക്ക് വെച്ചു.

“നീ മരിക്കാൻ സമയം ആയിട്ടില്ല. ആ വേദനക്ക് മുൻപേ നിന്റെ ശരീരം വെന്തു പോകുന്ന വേദന നീ അറിയണം.” അതും പറഞ്ഞു അയാൾ കയ്യിൽ ഇരുന്ന കവറിൽ നിന്നും ഒരു കുപ്പി എടുത്ത ശേഷം അതിന്റെ അടപ്പ് തുറന്നു.

“ഇതെന്താണ് എന്ന് അറിയുമോ നിനക്ക്? സൽഫ്യൂരിക് ആസിഡ്. ആസിഡുകളിൽ ഏറ്റവും വീര്യം കൂടിയവ.ഇതിന്റെ വേദന എന്താണ് എന്ന് എനിക്ക് അറിയില്ല. പക്ഷെ നിനക്ക് അത് ഇപ്പോൾ മനസിലാകും “അതും പറഞ്ഞു ആ കുപ്പിയിലെ മുഴുവൻ ആസിഡും അവൻ ഡേവിഡിന്റെ മുഖത്തേക്ക് കമിഴ്ത്തി. വെന്തു വികൃതമായ ഡേവിഡിന്റെ  മുഖം നോക്കി അയാൾ പൊട്ടിച്ചിരിച്ചു.

“ടൈം അപ്പ്‌. ഇപ്പോൾ നിന്റെ തലയിലെ ഞരമ്പുകളിൽ ആ മരുന്ന് പ്രവർത്തിച്ചു തുടങ്ങിയിരിക്കും “അയാൾ അത് പറഞ്ഞു തീരും മുൻപ് തന്നെ ഡേവിഡിന്റെ ശരീരം മുഴുവൻ വിറക്കാൻ തുടങ്ങി. അവന്റെ അവസാന നിമിഷങ്ങൾ ഒരു സിനിമ കാണുന്ന ആസ്വാദകനെ പോലെ അയാൾ നോക്കി രസിച്ചു കൊണ്ടിരുന്നു. ഒടുവിൽ വായിൽ നിന്നും കൊഴുത്ത രക്തം പുറത്തേക്കു വന്നതും ഡേവിഡ് അയാളുടെ കണ്ണുകൾ എന്നെന്നേയ്ക്കും ആയി അടച്ചു. ഒരുപക്ഷെ അവസാന നിമിഷം അനുഭവിച്ച വേദനകളിൽ നിന്നുള്ള മോക്ഷം ആകാം ആ മരണം.

  അയാൾ തന്റെ കയ്യിൽ ഇരുന്ന സർജിക്കൽ ബ്ലേഡ് ഉപയോഗിച്ച് ഡേവിഡിന്റെ തല അറുത്തു മാറ്റിയ ശേഷം ഒരു പ്ലാസ്റ്റിക് ബാഗിൽ ആക്കി പുറത്ത് ഇട്ടുകൊണ്ട് മോർച്ചറിയുടെ പിൻ വാതിലിൽ കൂടി ചൂളമടിച്ചു കൊണ്ട് പുറത്തേക്കിറങ്ങി. ഹോസ്പിറ്റലിന് പിന്നിലെ വഴിയിൽ കൂടി മാ അയാൾ  പുറത്തേക്കിറങ്ങി  നടന്നു .